SABURI 4
4
Kiterewo kya ngarami elyi nkwaany
(Saburi ya Davidi)
1Woi Iruva nkureekyi wakwa, shirouwa elyi shikuvaangaa,
Kyeeri shekee ngatareny kwashitarama,
Shilillya kwaarannya kiterewo kyakwa.
2A mmbo mushaara-raa kufike kwi eni vandu?
A nkikyi mwakunda nguya na iruuya wongo?
3Indi manyiny sheelyi Nndumi Iruva
ammensauwa eto ankundye,
Nndumi Iruva kyeeri kyoose kaarannya kyerero kyakwa.
4Ereyeny nta mulashetana ulyamari
Kusareny nesoongya elyi mweenda iimuya;
5Niingyeny firaso fya usumanu
muvekusirya Iruva mwitorya.
6Veengyi mmbo varera vakaamba Mmbi asheloora mesha?
Woi Nndumi Iruva, kulumikye na kisangu kyafo.
Kululillye.
7Indi ifura kushiniingyeny nriminy
llyiilannyi lyawo,
naakwa vatiri fyeena na fyeelya,
8Yeny mmbo shitiri unapwe shiilele rony,
mashika ni yewe kumuni
Nndumi Iruva,
Nyewe kukee nringyi wakwa.
Currently Selected:
SABURI 4: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
