SABURI 3
3
Kiterewo kya Ngarami elyi Ngama
Kyiimbo kya Davidi kyeeri kilya afo arishaa Absalomo
1Woi Nndumi Iruva, vakiduva vakwa ni veengyi,
mmbengyi nnu yewo vakee ishiringitya,
2Veefo veengyi vakeamba vai, nkwiifo weeki looka kwa Iruva,
“Vai yewe Iruva nkusheekyaa-fo!”
3Indi yewe Nndumi Iruva
kyeeri kyoose ni yewe ngawo yakwa.
Kwafo shakooya-fo finya na ngarami.
4Shafuuya Nndumi Iruva na unyanga uniini,
nawe ukya ifumbuu yeele kashirouwa.
5Llyo shaidima ilala rony, neekwipoo-se,
nyeelyi Nndumi Iruva ashikaarisye.
6Nshisheereyaa vandu fiku ikumi yewo vanshiringitya,
kushiringitye wo taari-fo.
7Osho woi Nndumi Iruva!
Kushitarame woi Iruva wakwa!
Yewe kwafisha-fisha vakiduva vakwa woose
kwavafisha myuundu na mayoo valashipaani.
8Mwiikira ni yewe Nndumi Iruva
Na mbora yafo ive kwa vandu vafo.
Currently Selected:
SABURI 3: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
