SABURI 145
145
Kyiimbo kyeerumisha Iruva
1Woi Iruva vakwa, mangyi nshekunganisaa,
Shiitikise irina lyafo llung'anu na llung'anu.
2Mmbo nshekwiitikisaa wo nkonu,
Shirumishe irina lyafo llung'anu na llung'anu.
3Nndumi Iruva ni nniini wa yiitikiswa nnu!
Nta shaasa ang'ani nkivaa imanyika-fo!
4Marika moose mmbo asheetikisaa kya mashorakwe.
Ashevambisa mbony ta mashora afo maniini.
5Shikusare kya usha lwa itumbe lwafo na usha lwa vayo
Na kya mashora afo moose maniini.
6Vandu va masanga vashereraa kya mashora afo shaasa eereye;
Neeny shaambe nnduma wafo.
7Mmbo vashevambisaa veekumbwaa usha lwafo lwiilanyi;
Veembe mbony ta usumanu lwafo.
8Nndumi Iruva mmwilyillya kaveva mwiisarya deny,
Nshi mwaangu irooywa ni unyafi-fo, ilyillya lyakwe ni yiingyi.
9Nndumi Iruva mmbo akee nsha kwa woose.
Na isarya lyakwe lyikakooya fyuumbe fyoose.
10Woi Nndumi fyeembe fyoose fishekwaana,
Neewo veekwiindya vashekunganisa.
11Vashevambisaa mbony ta itumbe lya ushilyi lwafo;
Vaveviana mbony ta wiidimi lwafo.
12Naambo vamanyisye vandu mbony ta mashora afo maniini,
Na itumbe lya uniini lwa ushilyi lwafo.
13Umangyi lwafo ni umangyi lwa meeri moose,
Na ushilyi lwafo ni lwa marika moose.
14Nndumi Iruva mmbo asaleesa yewo woose vawa
Kaipoo woose yewo vakee ngatareny.
15Miso a vandu woose akeekulola Yewe;
Neewe kwavasimba shoonga tawo kyeeri ekyo kisumani.
16Kwatarambwa woko lwafo,
Yefyo fitiri muu kwafiwutisa efyo fivatinnyi.
17Nndumi Iruva mmbo akee wa usumanu efo mashoreny akwe moose;
Kaveva mwiilyillya fyuumbe fyakwa fyoose.
18Yewo vembaanga Nndumi Iruva kakaa kufii nawo,
Mmbo yewo vambaanga na nsia.
19Yewo veemwiinndya mmbo asheinutyaa ivatannya fya usha,
Naarannye kyeerero kyawo navaauwe.
20Nndumi Iruva mmbo aringa yewo woose vankunndye,
Neewo valakee va usumanu mmbo ashevamamitaa,
21Kana kyakwa mmbo kasheambaa nnduma wa Nndumi Iruva,
Fyoose fikee na muu fing'anise irina lyakwe yeele llung'anu na llung'anu.
Currently Selected:
SABURI 145: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
