SABURI 146
146
Irumisha Iruva Mwiikira
1Haleluya!
Ewe nrima wakwa ng'anisa Nndumi Iruva.
2Mmbo nshenganisaa Nndumi Iruva kyeeri kyoose shisindi na muu.
Shiimbye Iruva wakwa elyi shikee na muu.
3Mulavike vaniini va ulaana yelu nsia-fo;
Nta nndu wa vandu nnyashiidimaa yeende ukiro-fo.
4Muu wakwe mmbo ushuuka,
nauwe ukawuya neefo uteriny aleuka.
Llyo na nkonu shila takwe toose tirekaa.
5Ngoma ni nndu yeto Iruva wa Yakobo akee ngarami yakwe,
Na ivika nsia lyikava kwa Nndumi Iruva,
Iruva wakwe.
6Yeto aleumba iruveu na ulana,
Yeeve na nsemu wa vayo,
Kavefitiryiu llung'anu,
7Mmbo ava mwiitarama yewo vakee vasisye
Neewo vatiri nshaa kavawuutisa,
Nndumi Iruva kaboromwa yewo vakee vafinge.
8Neewo vafu miso Nndumi Iruva kavatarambwa miso awo.
Nndumi Iruva keeboo yewo vakee ngatareny,
kakunda yewo va usumanu.
9Nndumi Iruva mmbo aringa veny,
Katarama vana va ngwera na vaka va ding'u.
Lyo shia yeewo valakee va usumanu kaireta.
10Nndumi Iruva mmbo asheshillyaa llung'anu.
We Iruva wafo yewo Sioni, marika na marika Haleluya!
Currently Selected:
SABURI 146: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
