SABURI 108
108
Kiterevo kya ngarami kimaruma kya vakiduva
(Saburi 57:7-11; 60:5-12)
1Ee Iruva, shikee nkaari nriminy wakwa mmbo nshiimba;
Shiimbe fiimbo ee-da, kwa nng'anu wakwa!
2Kwiipony, yeni kivale na sese!
Shidimi yaanta makya.
3Ee Nndumi Iruva shikwarafuma nnang'ani a vandu.
Shikwiimbya fiimbo nnang'ani a vandu va masanga.
4Mashika ilyillya lyafo ni iniini kumande iruveu.
Na usaari lwafo lukafika mafishiny.
5Ee Iruva, kunganiswa iruveu.
Na kunu urukeny koose kwiishwe weele lwafo.
6Naambo vakunde vafo vakkye,
Kukyire kwa woko lwafo usha, kushiirikye.
7Iruva arera eke ando eele kwakwe
“Na yeny shisharafuma, Shishaava Shekemu,
Na uruka lwa Sukothi sheese fyenga fyenga.
8Uruka lwa Giliadi ni lwakwa,
Naakwa Mmanase-da.
Na Efraimu ni kofia yakwa ya minya,
Yuda ni nsengye wakwa wa kyimangyi.
9Moabu ni ikarai lyakwa lyekusangya,
Shisherya Edomu kyaaru kyakwa.”
Na Filisti nshenkapya kyorongye kya fira.
10A mmbi ashirroo muriny atiri turuve?
A mmbi ashitetera shifike Edomu?
11A le Iruva, mmbo kwallura-deny?
Nkukyeeda-se fireny na matorito eru
12Luniinge weekyi lwa ikapana na vakyiduva veru,
Mashika weekyi lwa nndu wa vandu llumaa kindo-fo.
13Iruva kankaa kyaalu kyeru mmbo luvingaa,
We mmbwe avavaraa vakyiduva veru.
Currently Selected:
SABURI 108: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
