SABURI 104
104
Irumisha Muumbi
1Ee-da, nrima wakwa arafuma Nndumi Iruva;
Yewe, Nndumi Iruva, Iruva wakwa!
Kwakwaambika wiidimi na itumbe;
2Mmbo kuree sa sha soori.
Kwaala ngina sha soori shiniini;
3Kwavaakya ngo ta mmba ya orofa efo mureny.
Kwaallwa mafishi akava mutika wafo;
Na yeenda uwe ya maaru a uraato.
4Mmbo aallwa uraato varumi vakwe;
Na sise ta muro kataallwa varundi vakwe.
5Mmbo avika uruka uwe ya nsuka va vayo
Nta nlurinngina-fo.
6Kwaala yeeve uwe ya vayo sha soori,
Na mura ukasikya mafumbu.
7Kyeeri kulekyeemya mura ukamalallya;
Llya uleita unyanga lwafo ukarisha.
8Yakawunduka mafumbu-u kumande mareminy
Yakafika alya ando kuyasongosye.
9Naasa kwavikya mura nnyanu,
nalasheisikya ulana lingyi-se.
10Kwaruta ngyusoka efyo mareminy,
Nato tikaira nnang'ani a findooro.
11Nto taniinga mafisi mura wa ina,
Mishungu ya ngoroshony ikauta nyura tawo.
12Ndeye tikatannya fifuri miriny ya mbai ya vayo,
Tikakaa marambeny a vayo tikaimba.
13Kuuka uwe nginii-u kwanisa mafumbu na mbwa,
Kwaishura ulana mbora ta vayo.
14Kwamiisa myoorwa yalyiwa ni efyo fya ivikya.
Na fyeelyiwa ni vana va vandu,
Tikeende shoonga tuuka uteeriny,
15na mfinyo wa ifurisa nndu,
Mafura mesha afwaamaa akalookisaa,
Na shoonga ya iniinga finya.
16Miri ya Nndumi Iruva iwuure
Miri ya Lebanoni yeyo aleivaakya.
17Marambeny a vayo ndeye tikavika-fo fifuri fya vayo,
Nansha kaallwa efo miriny yeyo kyeny kwa vayo.
18Efo mafumbuny maasha mfo kyeny kwa mburu ta ngoroshony,
Na mbelele tikawonisa kundo kwa yoovya efo mbangeny.
19Mmbo kuleumba mwiiri uloore fyeeri
Mwi nato wiishi kyeeri kya yooloka.
20Kweende ireema, kio kyikasha,
Na mafisi a ngoroshony akasomukya,
21Vana va miiso vakadina vawonise shoonga,
Vakavera Iruva navaniinge shoonga yaawo.
22Mwi ukamfuma mafisi yoo akawuya mbangeny tavayo
Akakwiimurisa efo mbangeny.
23Llony nndu wa vandu keenda mashoreny akwe,
Na irunda mashora akwe kufike nnkwaany.
24Ee, Nndumi Iruva, kurundye mashora meengyi nnu nnu!
Fyoose mmbo kulerunda na waarya!
Ulana mmbo lwiishwe fyuumbe fyafo.
25Kulya kwaasha kwiifo yeeve itiri ivari yaasha,
Mfo kwiishwe fyuumbe fyilavaa yeekyena,
Fyuumbe fyiifo na muu, fyiniini na fyidu.
26Mfo ngalava tilya niini tiira na Levi yatani ikyindo llya iniini nnu,
Kulelyiumba litavani efo yeeveny,
27Woose mmbo vakuvereye Yeye
Kuvaniinge shoonga tawo kwa kyeeri kya vayo.
28Varorwaa wo kindo kyoose kilya kuvaniinga.
Kwatarammbwa woko vakawuura nisha.
29Kwavasuruma kisangu, vakairyaa.
Kwauta-u mumuyo wafo, vakafwa
Na iwuya kiluulyiny kundo valeuka.
30Kwavaivya mumuyo wafo, vakawuywa muu lyingyi,
Yewe kwaniingya ulana fwana shiiya.
31Nnganu wa Nndumi Iruva ukae-u llung'anu!
Nndumi Iruva nafurye mashora akwe!
32Mmbo alla ulana, lukarerema;
Mmbo apaana mafumbu akauta nsu.
33Mmbo shishiimbya Nndumi Iruva kyeeri shiifo na muu.
Mmbo nshaarafumaa Iruva wakwa kyeeri kyoose kya muu wakwa!
34Ikusaro lyakwa lyikusennye Yewe Nndumi Iruvafirye,
Mashika ifura lyakwa ni kwafo shishelyiwonisaa.
35Vallyaamari varumatwe kunu urukeny;
Veetana maravi vakee fo lyingyiny-fo!
Ee-da, nrima wakwa arafuma Nndumi Iruva!
Currently Selected:
SABURI 104: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
