FYAASO 30
30
Ufundo lwa Aguri
1Marero a Aguri mwana wa Yake.
Ufundo nndu yeu evia Illieli; ee Ithieli na Ukali.
2Yen mmbo shikee nrung'ani deny, nta nshikee nndu-fo,
Nta urango lwa nndu wa vandu n shitiri-fo.
3Nshilenkulosha urango usha-fo,
Nta nshiishi kindo uwe ya Iruva mweele-fo.
4Ammbi ndesa alenrwa uwe iruveeu kasokase si?
Mmbi alentira uraato wokony?
Mmbi alemfinga mura na kirami?
Mmbi avikkye minyanu myoose ya ulana?
Irina lyakwe mmbi? A irina lya mwana wakwe mmbi?
Shivia kwakooya kwiishi!
5Marero moose a Iruva ni ya dede.
We nngao yaawo woose vanrishyaa.
6Kulasheiengera irero marerony akwe,
Neewe kulollywa mmbo kwaamba wongo.
Fyaaso fingi-se
7Findo efyi fivii shakutereva woi Iruva,
Kulashiimi kulaore shamfwa.
8Shiringa wongo na ulembi.
Nta kulashaallwe nturi nta isimba!
Shiniinga shoonga ya mwiina.
9Shilashe iwuura shikumine,
Shaambe, “Nndumi Iruva mmbwe vi?”
Ao shilashe iva nturi shiive,
na itefusa irina lyafo woi Iruva wakwa.
10Kulafingye ishinga kindo kyeefingya kwa nndumi wakwe.
Alashe ikudenga kukooywa kukee rengeny.
11Kwiifo vandu vadengaa nde waawo,
Nta valeanaa va maaye vawo.
12Kwiifo vandu vakulolyaa sheelyi mmbo vakee vesha,
Ate nta mbakee veelise kirinda kyawo-fo.
13Veefo na vengyi-apaa ngoo shuu
Mmbo vainyalaa wo kindo valollya.
14Kwiifo vandu mayoo awo akee sha usu.
Na finankyo fyawo fivakkye fyaandu
Vakudesye irafuna ngwera ta ulana
Na vafwafwa vakee vanduny.
Fyaaso fya kialfabeti
15Mruba atiri vana vavii va keny vavaangaa veeshaamba,
“Shiniinga shiniinga!”
Kwiifo findo firaru filawuraa ttwa!
Ee, fiina filaambaa kiffye!
16Kwa varumu,
Na nsanga ulawonaa,
sumbai ilawuuraa mura,
Na muro ulaambaa, kiffye.
17Nndu ainyala ndeeye
Na iila kara nalaindya mae,
Makukuru a imungony adolaa miso akwe
Na ilyiwa nngoru.
18Nkwiifo findo firaru fikee fya wende kwakwa,
Ee, findo fiina shilafimanyaa:
19Shia ya ngoru ng'iniu,
Shia ya shoka iweu,
Shia ya ngalava yeeveny,
Na kindo kyomua nndummi ilanga nndu nka.
20Ngaa ya nka ntusi n nyei:
We nnyallyee, kaangata kana,
Na yaamba, “Nshalelyamara nta kindo-fo?”
21Kwiifo findo firaru fireremisaa ulana,
Ee, findo fiina kulaore ulana lulashiidimaa ifisisirya:
22Ishinga livaa mangyi,
Nrung'ani awuraa shoonga,
23Nka kulaore asennyi karawa,
Na nka kishinga kaipoo mwaanya wa nka muni kyeny.
24Nkwiifo fyuumbe fiina finnywa deny ulaniny
Indi fitiri urango deny:
25Sisiri: mmakuru alatiri finya,
Indi mmbo tisurumaa shoonga kyeeri kya mwi.
26Mbelele: mmafisi alatiri finya,
Indi mmbo atana mmba ando atiri iwe likwaallye-si.
27Nre: ntitiraa mangyi-fo,
Indi mmbo teendaa kwi matorito.
28Isosoro: mmbo kushiidimaa ilyitira wokony,
Indi mmbo lyangaa naakwa ni mmba ya mangyi:
29Kwiifo fyuumbe fiina fitiri myeengye misha;
30Miiso: ni ifisi lyitiri finya ngota moose;
Nyereyaa lyingi nta lyimwi-fo,
31Ikyokoo: lliendaa kwa ukushombi,
Lyingyi ni mburu ya woro,
Na mangyi mbee ya vandu.
32Kwakooya kwammba nrung'ani kutani kwakuitikisa kumuni,
Ao kwakooya kukedesya findo firavi,
Ringa kana kafo.
33Mashika kwasisika malela kuwonaa mafura,
Kwakapa nndu mmbwa ishuutaa samu;
Naakiwo irosa unyafi mmbo kyendee mwaandu.
Currently Selected:
FYAASO 30: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
