FYAASO 29
29
1Mwiikimbwa kyeengyi katira nrima muumu
Ashesarumyaa tiny nta nnyakkyaa-fo.
2Vandu vasaari vakashilya, vandu mmbo vafuraa.
Indi varavi vakashilya, vandu mmbo vakunung'unaa.
3Mwikunda urango usha mmbo eengyee ndeeye ifura,
Indi mwisora vaka masonga mmbo ararata masaa akwe.
4Mangyi kansora usumanu mmbo atumbanaa uruka,
Indi kanlanga eleri uruka mmbo lurumakaa.
5Mwilelemba nndu wakwe wa nnyanu,
Mmbo akeedesya nreiyo ushembwaraa we muni.
6Nndu nkasha, mmbo atirwa na uravi lwakwe,
Indi nndu nsaari mmbo eembaa na ifura.
7Nndu nsaari nyeeshi usumanu lwa nndu nturi,
Indi nndu nravi nnyeeshi mbony yeyo-fo.
8Vandu vatiri kiila mmbo veengyee muri ngusana,
Indi vandu vasaari mmbo varelelisaa mwaandu.
9Nndu atiri urango usha kawakyana na nndu nrung'ani,
Nrung'ani mmbo arooyoo nngoo na iseka nalamandaa.
10Velanga ipusua samu mmbo vasuuye nndu nalatiri mbese,
Indi vandu vasaari vakakira muu wakwe.
11Nrung'ani mmbo oora unyafi lwakwe paa,
Indi nndu atiri urango usha mmbo asiraa ngoo na ifwerisa.
12Nshilyi kaaranya marero a wongo,
Ngyama takwe toose mmbo tivaa tiravi.
13Nturi na mwilamya mmbo vavakyani ni kindo kyimwi
Woose vavii mmbo vakee vaniinge miso ni Nndumi Iruva.
14Mangyi mwirumbuya ngwera mwaandu kya usumanu
Ushelolyaa ushilyi lwakwe lwiivangaa llung'anu.
15Ngapo na wiikimbi m fyendee urango usha,
Indi mwana atere katana shaasa akundye mmbo asutaa maaye.
16Varavi vakashilya maravi mmbo aengerekaa,
Indi vandu vasaari wo vashelolyaa iwa lyawo.
17Niinga mwanawafo iva na ngaa shisha nawe ashekuutaa usutu,
We asheniinga nrima wafo ifura.
18Kulaifo wiikimbi lwa veawuya kisuku,
Vandu mmbo vaturaa ngaa ya songosiny.
Ngoma nndu mwivallya na mavavaso.
19Ishinga lyikimbwaa na kana karuu-fo
Mashika naakwa eeshi n nasoraa-fo.
20Kulenlolya nndu amasanaa nalakusaraa
Nndu nrung'ani n kyeni ngota we.
21Mwilelemba ishinga lyakwe uka lyekee mwana
Masiiyony ishinga yelyo mmbo lisherwaa ding'u.
22Nndu atirwaa n ngoo mmbo aayaa mwaandu
Nndu wa unyafi mmbo eendee renga shiingyi.
23Ikulolya lya nndu mmbo lyintulaa we muni
Indi nndu wa ngoo ikunyiisye akooya iindywa.
24Mwitaranyana na inyinyi mmbo akekwaatara muni,
Mmbo eeta kidengo kya mwiwonnywa nalarere nta kindo.
25Iereya vandu ni ikureiya kumuni,
Indi mwikusirya akaa na ufoo.
26Vandu veengyi mmbo vakundaa ikwaamba-amba kwa vashilyi,
Ate nndu mmbo awonaa usumanu lwakwe kwa Nndumi Iruva.
27Mwilamya ni kindo kiravi kwa nndu nsaari;
Na nsaari n kindo kyeesi kwa nravi.
Currently Selected:
FYAASO 29: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
