MEEKYENA 36
36
Ding'u ya Vefu
1Naasa vandu va mirwe va mmba ta vana va Gileadi we mwana wa Makiri akee mwana wa Manase vabarikye kwa Yosefu, vakaserikya kufii na Mose na ironda lya vandu va mirwe va Israeli, 2vakaamba, Nndumi Iruva mmbo alevavasya nndumi weeru (yewe Mose) naavye vana va Israeli uruka eekabaa kura naambo luve lwawo, na Nndumi Iruva kavevavasya nndumi wakwa naniinge vefu va Selofehadi ulya mwanamaye weeru, ding'u ya ndeye waawo 3Naasa kwakooya woorwa ni vandu va ngyufyari tingyi nkyo na ding'u yaawo mmbo ishendaa ngyufyariny yeto, luutwa kweru. 4Na kyeeri kya yubile ya vana va Israeli ding'u ya ufyari yelo ishefumbutwaa. 5Naasa Mose karera na vana va Israeli shaasa Nndumi Iruva alembavasya, kaamba, Ufyari lwa vana va Yosefu mmbo Lwarera kya usumanu. 6Kya vefu va Selofehadi Nndumi Iruva mmbo aamba, vashidimaa yoorwa shaasa vasauwaa wo veni, lyo efo ufyariny lwawo veni. 7Naambo ding'u ya ufyari yelu ileende ufyariny lungyi, kimmba mmbo kisumani ding'u ya ufyari lukae efo ufyariny yelo weni, 8na wo mfu atiraa ding'u ya ufyari ya Israeli mmbo ashoorwaa efo ufyariny lwa vandeye, naambo na vandu vakwe vashewarya ding'u yeyo 9Nkyo ding'u nnyishuukaa ufyariny yelu yeende ufyariny lungyi-fo, wo ufyari mmbo lukaa na ding'u yaawo veni. 10Naasa na vefu va Selofehadi vakatana shaasa Nndumi Iruva alevavasya Mose; 11naasa Mola, Tirsa, Hogla Milka na Noa, wo vefu va Selofehadi vakoorwa ni vandu va ufyari lwawo. 12Mmbo valeorwa ni vasero va Manase we mwana wa Yosefu, naasa na ding'u yaawo ikasaa ufyariny lwawo.
13Yaa nng'u mavavasyo Nndumi Iruva alevavasya vana va Israeli na kana kya Mose, alya fyaandeny fya Moabu kwakullya ya Yordan mbai yoo Yeriko.
Currently Selected:
MEEKYENA 36: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
