NKUMBUYE WA UVAVASO 1
1
1Kyitabu ekyi mmbo kitiri marero alya Mose alevia vana va Israeli alya kwakulya ya Yordan alya Araba taari ya Sufu, yoo nnang'ani ya miri ya Paran na Tofeli na Labani na Hazeroti na Disahabu. 2Ni kyaaro kya mikonu ikumi na umwi kuuka ifumbu lya Horebu ilatya shia ya ifumbu lya Seiri kufike Kadesh-barnea 3Wikee mwaaka wa makumi aana mwiiri wa ikumi na lyimwi, nkonu wa mbee wa mwiiri, Mose kavia vana va Israeli findo fyoose shaasa Nndumi Iruva alemmbavasya, 4Vakimaa ikapana na mangyi Sihoni wa Vaamori ekee Heshboni, na mangyi Ogu wa Bashani ekee Ashitaroti kulya Edrei; 5nafo ni kwakulya ya Yordan urukeny lwa Moabu, na Mose llyo alepooka marero a kyitabu ekyi, kaamba, 6Nndumi Iruva weeru alya Horebu mmbo aleluvia, Yaa Horebu mwakaau kifye, 7indukeny ulaalu mwiiboo kyaaro musore shia ya mafumbu a Vaamori, na kufii nang'u yoo Araba, na uruka lwa fidooro-fidooro, na Shefela na Negebu, na mbaa-mbaa ya uruka lwa va Kanaani, na Lebanoni, kundekooya mura yeto niini nto Frati. 8Loleny mmbo shamuniinga uruka yelu lukee mbee yaany, ndifon mundetira uruka elu Nndumi Iruva alevikya yaasa Abrahamu na Isaki na Yakobo sheelyi ashevaniingaa we na ufyari lwawo lwa numa.
Mose Asauwa Valeti
(Yuu 18:13-27)
9Na nkonu ulya mmbo shilemuvia, nshishidimaa imurwaa yeny shimuni-fo. 10Nndumi Iruva waany mmbo alemufumbuta, kutani ulaalu mwamba veengyi sha nyinyiri ta iruveeu. 11Nawe Nndumi Iruva, Iruva waany, namufumbute ka kyiku ngota ulaalu, navemuvikye mbora shaasa alemuvikya kyaasa. 12A mmbo shikurika inda ngatara tany, na mario any na mikunung'unu yaany? 13Kyasia sauweny vandu vaarya vatiri urango, vandu vesha efo ngyufyariny tany, neeny shivavike vamusongoye. 14Neeni mukashirouwa mukaamba, Ekyo kwaluvia kyalusenya, neese niindo lushetanaa. 15Naasa shawarya vasongoru yewo va ugyufyari tany shavavika na va makumi araanu na va makumi, na vandu vakuu va wo ufyari. 16Shavavasya veeleta vany, kyeeri kilya, shiivavyaa, Aranyiny nisha myaandu ya vandu vany, muvarumbuye kya usumanu wo nndu na urooye na muny kiwo. 17Nta mulalole kisangu kya nndu mwiirumbuyaa vandu-fo, mwaarannye vadu na vaniini, kiinani, usumanu lwa Iruva, nkyo mulalole kisangu kya nndu-fo, na kindo kimulemaa musheengye yeny, shikiwarye. 18Yeny mmbo shilemuvavasya fyoose fimusumannyi.
Veesununda Varumwa Wooka Kadeshi Bernea
(Mee 13:1-33)
19Lukeepoo kyaaro luuka ifumbu lya Horebu, lwiishiraa yoo nnang'ani ya kasa kalya kaeresye nnu, nnyo ilatyaa fidooro fya Vaamoni, lukatana shaasa Nndumi Iruva weeru aleluvavasya, lukafika Kadesh Barnea. 20Llyo neeny shilemuvia, Mmbo mwankooya uruka lwa fidooro fya Vaamori, ando Nndumi Iruva, Iruva weeru aleluniinga. 21Nndumi Iruva, Iruva wafo mmbo alekuniinga uruka yelu, naasa ulaalu saamany kundetira uruka, shaasa Nndumi Iruva wa vakuu vafo alekuvia, nta kulairyee nta isavaa-fo. 22Neeni mmbo muleshisheya, mukashivia, Lurike-fo vandu mbele vandesaiya uruka elo neelweengye mbony lumanye kya shia lushiiraa na miri ya efo Lushefikaa. 23Kindo ekyi kikashisennya deny, shaipoo vandu ikumi na vavii, nkyo umwi wo ufyari. 24Naasa vakaaluka vakarwa fika imungo lya Eshikoli, vakaenda-fo saa 25Vakeende-fo ndunda maata ta uruka elo, vakalweengye mmbony vakaamba, “Uruka yelu Nndumi Iruva weeru akeeluniinga ni usha nnu.”
26Lyo mmulekunda irwa nafo mukalema irero lya Nndumi Iruva, we Iruva waany, 27neeni mukankunung'una yoo meemeny, na yaamba, Nndumi Iruva mmbo alusuuye elyi aleluuta kulya Misri, nasheluvika maakony a Vaamori, naambo valunyanyate. 28A nkwi lukeenda? Vana va maye veru mmbo valeluwaa nrima veeluviaa, Vandu veefo mmbeengyi nnu, vaasha nnu ngota yese, na miri yaawo mminiini na masimamba a vayo mmbo irooye uwe ikakooya iruweeu, na mmwasi yeefyo efo mmbo lulelolyafo Mivandu. 29Lyo yeny shemuvia, Mulaereye nta vandu yewo-fo. 30Nndumi Iruva, Iruva weeru yeto alusongoye mmbwe ashelukabannyaa, shaasa alemutannya kulya Misri neeni mukalollya nisha; 31na kulya kasa, shaasa Nndumi Iruva, Iruva weeru alelukamara, shaasa nndu arye kimwana kyakwe, kutani lulefika yaa niwe alelweende.
32Lyo kya efyo fyoose mmulevika Nndumi Iruva nsia-fo; 33na mmbwe alemusongoya shieny yaany, kio kamusongoya na ngo ya muro, na nsanyiny kamusongoya na ifishi, kavemoora na ando mureiyaa meema any.
Nndumi Akapa Israeli
(Mee 14:20-45)
34Nndumi Iruva ekyiita marero any maravi kanyafukwa, kaamba 35Ni kya dede nkwiifo nta nndu umwi kunu irikeny yelyi yeesi asheonaa yaanga efo urukeny yelo usha, shilevikya vande vany kyaasa nshevaningaa fo, 36kuuta Kalebi mwana wa Yefuna, we ashefikaa-fo, neeny mmbo nshenniinga we na vana vakwe uruka yelo alendelusaiya, mashika elyi alekusirya Nndumi Iruva findon fyoose. 37Nawe Nndumi Iruva mmbo alesukyo ni yeny kimaruma kyany, eshaambaa, Nta yewe nkushefikaa-fo-fo; 38lyo Yosua we mwana wa Nuni ashefikaa fo, mmbwe yeto ariani neewe; kwa ekyo mbike nrima; mashika we asheekyaa Vaisraeli vaonise ding'u yeyo. 39Na kyingi-se, yewo vamusorye, na vana vany valya muleamba vai mmbo vashekamarwaa mfungwa, nawo valeishi nta makusaro mesha ao makasha, mmbo vashefikaa-fo, shivaniinge uruka yelo luve Lwawo. 40Ulaalu yeni soren shia yaany, yeenda efo kasa mwiilatyaa Yeeve ya Shamu. 41Neeni mmbo muleshivia, Yese lulelyamarya Nndumi Iruva, mmbo Lusaama-nafo lutani kyoose shaasa Nndumi Iruva aleluvavasya. Wo nndu neepoo fisha fyakwe fya fira, murwe sere neefo mafumbu-u. 42Nndumi Iruva kashivia, Vavie vakureeye vai, nta valandeekapana-fo, mashika nshiriani neeni-fo, mashika vakiduva vany mmbo vashemufwafwalaa. 43Neeny sha vavia, neeni mmuleshaarannya-fo, mukamina kilya Nndumi Iruva alevavasya, mukalyang'aa, neenda na ifumbuu. 44Nawo Vaamori valya vekee kulya ifumbuny lyilya vakamusheya neemuumbuta sha vandu wombutwa nshuki, vakalyamara Seiri fika Homa. 45Llyo mulewuya mukafuuya Nndumi Iruva, nawe Nndumi Iruva nalamwaarannye nta.
Myaaka Veeke Kasa Koomu
46Mukakaa alya Kadeshi kyaasha, shaasa kileva.
Currently Selected:
NKUMBUYE WA UVAVASO 1: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
