MEEKYENA 34
34
Minyanu ya Uruka
1Naasa Nndumi Iruva karera na Mose, kammbia, 2“Vavasya vana va Israeli, kyeeri mushaangaa urukeny lwa Kanaani, llo uruka yelo luvaa ding'u yaany, shaasa minyanu ya vayo ikai,” 3taari yaany ya sinde mmbo uvaa nnyanu na kasa ka Sini kufii na Edomu, pookya yeeve lya Shumbi, taari ya ngama; 4Kulesoka na sinde kushekooya Akirabimu kufike Sin, na kuukau kufike taari ya sinde ya Kadesh-barnea, kweende kufike Hasar-adari, kundekooya Asimoni, 5na kuuka Asimoni kufike imungony lya Misri, kulella efo yeeveny. 6Taari yaany ya nkwaany mutire fika Yeeve Niini, nnyo ivaa nnyanu taari yeyo. 7Na nnyanu wany wataari ya ndoo, kuuka yoo yeeveny yeyo niini kukooye ifumbu lya Hori; 8Kuukau kundekooya Hamati, kuukau kundekooya Sedada; 9kufike Sifroni, kufike Hasarenani nto nnyanu wany wa taari ya ndoo. 10Neeni mmbo muvikaa nnyanu wany wa taari ya ngama upookye Hasarenani fika Shefamu, 11na kuuka Shafamu kufike Ribla, taari ya ngama ya Aini, kundekooya yeeve lya Kinereti taari ya ngama, 12kundefika Yordan, kundekooya yeeve lya shumbi. Yelu llo luvaa uruka lwany na minyanu ya vayo. 13Llyo Mose kavia vana va Israeli, Uruka yelu mmbo mushetiraa mwiikabaa kura shaasa Nndumi Iruva alevavasya wo ufyari luwoniu waavi, ngyufyari keenda na kyenga; 14kimmba ufyari lwa Ruben na Gadi wo valemmaa iwonisa waavi lwawo, na kyenga ekyo kya ufyari lwa Manase nawo valemmaa iwonisa waavi lwawo; 15ngyufyari yeto ivii na kyenga valemmbonisa waavi lwawo kulya kwakulya ya Yordan, alya Yeriko taari ya ngama.
Uramba lwa Vasongoru Yewo Vakwaani Yaava Uruka
16Naasa Nndumi Iruva karera na Mose, kammbia, 17Vandu vasheavyaa vandu uruka mmbo yeva, Ni nkohani Eliasari na Yosua we mwana wa Nuni. 18Vavesauwa na nndu umwi wo ufyari vaavye vandu uruka. 19Na marina awo nng'u yaa,
Ufyari lwa Yuda, Kalebi mwana wa Yefune
20Ufyari lwa Simion ni Shemueli mwana wa Amihudi
21Ufyari lwa Benyaminy Elidadi mwana wa Kisloni
22Ufyari lwa Dani ni Buki mwana wa Yogli
23Ufyari lwa Manase ni Hanieli mwana wa Efodi ni vana va Yosefu
24Ufyari lwa Efraimu ni Kemueli mwana wa Shiftani
25Ufyari lwa Sabuloni ni Elisafani mwana wa Paruaki
26Ufyari lwa Iskari ni Paltieli mwana wa Asani
27Ufyari lwa Aseri ni Ahihudi mwana wa Shelomi
28Ufyari lwa Naftali ni Pedaheli mwana wa Amihudi
29Nndumi Iruva mmbo alesauwa vandu yewo vaavye vana va Israeli uruka lwa Kanaani luve ding'u yaawo.
Currently Selected:
MEEKYENA 34: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
