MEEKYENA 30
30
Uramba lwa Ivikya Nndumi Kyaasa
1Naasa Mose karera na vasongoru va ngyufyari ta vana va Israeli, kavavia, “Nndumi Iruva mmbo alevavasya indi.”
2Kwakooya nndu avikya Nndumi Iruva kyaasa, ao, kwakooya alya mboo, nalaimmbwe mboo yakwe-fo, natani indo shaasa alesenda. 3Na kwakooya nndu nka avika kyaasa, ao kalya mboo, ekee kyeny kwa ndeye, 4na ndeye keeta, lyo kamalallya, fyaasa fyakwe mmbo finangaa, neekyo kyemfinngye kya mboo yeyo kyeengere ivanga.
5Lyo kwakooya ndeye ammulemya nkonu yeto aleita, kyaasa ekyo kyakwe nkivaa-fo, na Nndumi Iruva mmbo ansaryaa, mashika elyi ndeye alellemya. 6Na kwakooya ammaa yoorwa, ni mmi, kyeeri ekyo kya ivika kyaasa, ao kindo alekyaamba nalavikye-fo makusaro, 7na mmi wakwe keeta, nawe kamalallya, fyaasa fyakwe mmbo fivangaa. 8Lyo kwakooya mmi amwiima nkonu yeto amwiita arera, naasa kyaasa kyakwe mmbo kyamfika, na kya marero yoo aleamba nalavikye-fo makusaro, na Nndumi Iruva mmbo amusaryaa. 9Lyo kyaasa kya nka wa ding'u, ao kya nka alakannye na mmi, wo irero lyakwe lya kyaasa nkuti lyivange, 10Na kwakooya mmbo alevika kyaasa ekee na mmi wakwe, ao kwakooya mmbo alelya mboo muni, 11na mmi keeta kamalallya sau naasany kyaasa kyakwe mmbo kivangaa, 12Lyo kwakooya mmi alema fyaasa efyo elyi amfiita, wo irero alelyirera na fyaasa fyakwe fishevaa ruu. 13Wo kyaasa, na mboo, naambo nndu nka naitire mmi wakwe ashiidimaa iivangisa ao iyallwa ruu. 14Lyo kwakooya mmi amalallya sau llyo avangisa deny fyaasa fya nka wakwe. 15Lyo kwankooya alema fyaasa efyo kyeeri afiita, we llyo ashiipoo uravi lwa nka wakwe. 16Yaa nng'u mavavasyo alya Nndumi Iruva alevavasya Mose, kya nndu na nka-akwe, kya nndu na mfu elyi akee nkoo, ekee kyeny kwa ndeye.
Currently Selected:
MEEKYENA 30: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
