MEEKYENA 29
29
Kiraso kya mwaaka mwiiya
(Val 23:23-25)
1Na nkonu wa mbee wa mwiiri wa mfungare, ni ikwaanu yeele mularundaa nta ishora lyimwi, nto nkonu weekaba maranda. 2Neeni mmbo mushendee firaso fyemamitwa na muro five nrungo nsha kwa Nndumi Iruva, ngashe imwi ya shau, na suva imwi, na ngurana ta suva ta mwaaka umwi; 3ando amwi na kiraso kya nswa mmamiri na mafura, fyenga fya ikumi firaru fya ng'umbe, fyenga fivii fya ikumi na suva, 4na kyenga kimwi kya ikumi na wo ngurana imwi ya suva nnang'ani ya tilya mfungare; 5na ndafu imwi ya kiraso kya ulyamari, ya usandi kimaruma kyany; 6mmwasi ya kiraso ekyo elyi mwiiri wabooka, na kiraso kya nswa, na kiraso ekyo kyeemamitwa kya wo nkonu, na kiraso kya nswa na fyeena, shaasa ivavasyo lyikai, five nrungo nsha wa kiraso kyemamitya Nndumi Iruva na muro.
Kiraso kya Nkonu wa Isarywa
(Val 23:26-32)
7Na nkonu wa ikumi wa mwiiri yeto wa mfungare muve na ikwaanu yeele mukootoye, nta mularunde nta ishora-fo, 8mweenngye Nndumi Iruva kiraso kyeemamitwa na muro, kive nrungo nsha kwa Nndumi Iruva ngashe ya shau, na suva imwi, na ngurana ta suva shisha mfungare ta mwaaka umwi, 9ando amwi na kiraso kya nswa mmamiri na mafura, fyenga fya ikumi firaru na ng'umbe, fyenga fivii na suva, 10na kyenga kya ikumi kimwi kwa wo ngurana ya suva tilya mfungare; 11na ndafu imwi ive kiraso kya ulyamari ni mmwasi ya ekyo kya usandi na ekyo kya imamitwa kya mikonu myoose na kiraso kya nswa na fyeena.
Kiraso kya Sukukuu ya Matengo
(Val 23:33-44)
12Na nkonu wa ikumi na karaanu wa mwiiri wa mfungare mmbo mushevaa na ikwaanu yeele, malarunde ishora-fo, muvikye Nndumi Iruva sukukuu ando a mikonu mfungare; 13neeni mumweenngye kiraso kyemamitwa na muro kive nrungo nsha kwa Nndumi Iruva ngashe ta shau ikumi na isaru, na suva ivii, na ngurana ta suva shisha ikumi na iinya ta mwaaka umwi, 14ando amwi na kiraso kya nswa mmamiri na mafura na fyenga fya ikumi firaru na ng'umbe tilya ikumi na isaru na fyenga fivii fya ikumi kwa wo suva, 15na kyenga kimwi kya ikumi nnang'ani kya wo ngurana ya suva nnang'ani ya tilya ikumi na iinya; 16na ndafu imwi ya kiraso kya ulyamari, mbai na kiraso ekyo kyemamitwa na muro, na kiraso kya nswa na kyeena. 17Na nkonu wa kavii mmbo mushuuta ngashe ya shau ikumi na ivii, na suva ivii, na ngurana ta suva shisha ikumi na iinya ta mwaaka umwi; 18ando amwi na kiraso kya nswa na kyeena fisandwaa na ng'umbe yeto na suva yeto na ngurana yeto ta suva, shaasa yeekyena lyikai isora ivavasyo elyo; 19na ndafu imwi ive kiraso kya ulyamari, mbai ya kiraso ekyo kya wo nkonu, na kiraso kya nswa na kyeena.
20Na nkonu wa kararu mmbo mushutaa ng'umbe ikumi na imwi, na suva ivii, na ngurana ta suva ikumi na iinya shisha ta mwaaka umwi; 21ando amwi na kiraso kya nswa, na firaso fyeena, fisandwa na ng'umbe yeto na suva, na ngurana yeto, shaasa yeekyena lyikai na ivavasyo lwa vayo; 22na ndafu imwi ive kiraso kya ulyamari, mbai na kiraso ekyo kyemamitwa na muro kya wo nkonu, na kiraso kya nswa na kyeena.
23Na nkonu wa kaana n'ng'umbe ikumi, na suva ivii, na ngurana ta suva ta mwaaka umwi ikumi na yiinya; 24na kiraso kya nswa, na kyeena, wesanda na ng'umbe yeto, na suva na ngurana yeto, shaasa yeekyena lyikai na ivavasyo lya vayo; 25na ndafu imwi ya kiraso kya ulyamari, mbai ya kiraso ekyo kya wo nkonu, na kiraso kya nswa na kya kyeena
26Na nkonu wa karaanu mmbo mushuutaa ng'umbe kyeenda na suva ivii, na ngurana ta suva ikumi na yiinya; 27ando amwi na kiraso kya nswa na firaso fyeena fya ng'umbe yeto, na suva na ngurana shaasa yekyena lya vayo lyikai kwelatya ivavaso; 28na ndafu imwi ivekiraso kya ulyamari mbai ya kiraso kya imamita kya mikonu myoose na kiraso kya nswa na kyeena.
29Na nkonu wa karindaru muniinngye shau nyanya, na suva ivii, na ngurana ta suva ikumi na yiinya shisha ta mwaaka umwi, na efyo fikee fivavasye fyeesandyau.
30Ando amwi na kiraso kya nswa, na firaso fyeena fya ng'umbe yeto na suva na ngurana ta suva shaasa yeekyena lya vayo lyikai; kwiilatya ivavaso; 31na ndafu imwi ive kiraso kya ulyamari mbai ya kiraso ekyo kyeemamita kya wo nkonu, na kiraso kya nswa na kyeena. 32Na nkonu wa mfungare muute ng'umbe mfungare, suva ivii, na ngurana ta suva shisha ikumi na yiinya ta mwaaka umwi, 33andu amwi na kiraso kyakwe kya nswa na firaso fyeena, fya ng'umbe yeto, na suva, na ngurana tilya ta suva shaasa yeekyena lya vayo lyikai kwelatya ivavaso, 34na ndafu imwi ive ya kiraso kya ulyamari, mmwasi ya kiraso kyeemamitwa kya mikonu myoose, na kiraso ekyo kyakwe kya nswa na kyeena.
35Na nkonu wa nyanya kusangiryeny na waarya nnu, mularunde nta ishora lyimwi-fo; 36kuuta iniinngya firaso fyeekora na muro, fya nrungo nsha, shau imwi, na suva imwi, na ngurana ta suva shisha mfungare ta mwaaka umwi; 37andu amwi na kiraso kyakwe kya nswa na firaso fyakwe fyeena, fya ng'umbe yeyo na suva na kwa ngurana tilya ta suva shaasa yeekyena lyavayo lyikai kweelatya ivavaso, 38na ndafu imwi ive kiraso kya ulyamari, mmwasi na kiraso ekyo kyakwe kya nswa na kyeena.
39Firaso efyi mfyo mushuutyaa Nndumi Iruva sukukuuny tany yeto tikee shivavasye, ando amwi na fyaasa fyany, na firaso fya pya, five firaso fyany fyemamitwa na muro, na fya nswa na fyeena, na firaso fyany fya urilalyi. 40Nawe Mose kavia vana va Israeli mbony toose shaasa Nndumi Iruva alemmbavasya.
Currently Selected:
MEEKYENA 29: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
