MEEKYENA 26
26
Yeekyenwa lya Kavii
1Ngapo yeyo yiikiira Nndumi Iruva karera na Mose na Elieseri we mwana wa nkohani Aron, kavavia, 2Ekyena vana va Israeli woose, kubookya miaka makumi avii na mmwasi kwii mmba ta vandeye vawo, yewo woose vashidimaa yeenda fireny. 3Naasa Mose na nkohani Elieseri vakarera na vandu alya imungony lya Moabu kufii na Yordan, na Yeriko, vakavavia, 4Ekyeneny vandu, uka wa myaaka makumi avii na mmwasi, shaasa Nndumi Iruva alevavasya Mose na vana va Israeli yewo valeuka Misri.
5Mwana wa mbee wa Israeli, we Ruben, vana vakwe, na va Hanoki, na va Palu; 6na va Hesron, na va Karmi. 7Yeva mmbo va ufyari lwa Ruben, woose valeekyenwa ni fiku makumi aana na firaru mayana mfungare na makumi araru. 8Na vana va Palu, Eliabu. 9Na vana va Eliabu, Nemweli, Dathani na Abiram yewo valesauwa, valya valesalala kilashe na Mose na Aron veeterewaa n'Kora, vakasalala kilasha na Nndumi Iruva; 10sumbai ikaambira kana ikavamira vakafwa ando amwi na Kora vakalyikyo si na muro ukamamita vandu mayana avii na makumi araanu naambo vengyi valollye. 11Lyo vana va Kora mmbalefwafo.
12Na vana va Simion, va Yemuel, va Yamini, va Yakini, 13vana va Sohari, va Shauli. 14Yeva mmbo va ufyari lwa Simion vandu fiku makumi avii na fivii na mayana avii.
15Na vana va Gadi, va Sifoni, va Hagi, va Shuni, 16va Esboni va Eri; 17va Arodi, va Areli. 18Yewo mmbo vandu va ufyari lwa Gadi, woose ni fiku makumi aana na mayana araanu.
19Na vana va Yuda, Eri na Onani, na yewo va Eri na Onani vakafiiya kulya Kanaani. 20Na vana va Yuda, va Shela, va Peresi va Sera, 21vana va Peresi, va Hesron, va Hamuli. 22Yewo mmbo vana va ufyari lwa Yuda, woose vafikye fiku makumi mfungare na varindaru na mayana araanu.
23Na vana va Isakari va Tola va Puva 24va Yashubu va Shimroni 25Yewo mmbo vandu va ufyari lwa Isakari ni fiku makumi arindaru na vaana na mayana araru. 26Na vana va Sabuloni, va Seredi, va Eloni, va Yaleeli, 27Yeva niwo va ufyari lwa Sabulon, vafikye fiku makumi arindaru na mayana araanu.
28Na vana va Yosefu, Manase na Efraimu. 29Vana va Manase va Makiri, na Makiri kaira Gileadi, na vana va Gileadi, 30Vana va Gileadi, na va Abieseri, na va Heleki; 31na va Asrieli, na va Shekemu, 32na va Shemida, na va Heferi, 33na va Selofehadi akee mwana wa Heferi we nalatire vana va kyuumi, ni va kyika veni, na marina awo ni Mala na Noa, Hogla, Milka na Tirsa. 34Na va ufyari lwa Manase woose ni fiku makumi araanu na vavii na mayana mfungare.
35Na vana va Efraimu, va Shutela, va Beredi, va Tahati, 36Na vana va Shutela yewo, va Erani. 37Yewo mmbo vana va Efraimu, woose ni fiku makumi araru na vavii na mayana araanu. Yewo ni va ufyari lwa Yosefu
38Na vana va Benyaminy, va Bela, na va Ashbeli, na va Ahiramu, na Shufamu, va Hufamu, 39Shufamu na Hufamu. 40Na vana va Bela ni Ardi na Naimani, vana va Ardi, va Naimani, 41Yewo ni va Benyaminy wafikye fiku makumi aana na varaanu na mayana arindaru.
42Na vana va Dani, va Shuhamu. Yeva mmbo va ufyari lwa Dani. 43Vashuhamu woose, vandu fiku makumi arindaru na vaana na mayana aana.
44Na vana va Aseri, va Imna, va Ishvi va Beria, 45vana va heberi, va malkieli, 46Na mfu wa Aseri ni Sera. 47Yewo mmbo va ufyari lwa Aseri, vandu fiku makumi araanu na vararu na mayana aana.
48Na vana va Naftali, va Yaseeli, va Guni; 49va Yeseri, va Shulemu, 50Yewo ni va ufyari lwa Naftali, nawo ni vandu fiku makumi aana na varaanu na mayana aana.
51Yewo mbo vana va Israeli valeekyenwa, fiku mayana arindaru na umwi, mayana mfungare na makumi araru.
52Numa ya vayo Nndumi Iruva karera na Mose, kammbia, 53Vandu yeva mmbo vasheavioo uruka elo luve ding'u yaawo, wo nndu kyakwe. 54Yewo vakee veengyi mmwasi kuvaengerye, na yewo vaangu kuvevaniinga kiinani nawo, wo nndu shaasa yeekyena lya vandu vakwe lyikai, vaniingwa indo. 55Lyo uruka mmbo lushaawaa kwikura, kwiisoraa ngyufyari ta vakuu vawo. 56Shaasa kura tishaambaa, niindo kuvaavyaa, vakava veengyi ao vaangu.
57Na va ufyari lwa Valevi yewo valeekyenwa mmbo yeva, va Gershon, va Kohati na va Merari. 58Yeti nto mmba ta Levi, mmba ya Libni, ya Vahebron, ya Vamala, ya Vamushi, na ya Vakora. Na Kohati mmbo aleira Amramu. 59Na nka wa Amramu eevaangwaa Yokobedi mfu va Lewi kairya Amramu mwanaakwe Aron, na Mose na mfwamaye waawo Mariamu. 60Numa kwa Aron vakawonika-fo, Nadabu na Abihu, na Elieseri na Itamari. 61Nawo Nadabu na Abihu vakafwa, kyeeri valeninngya Nndumi Iruva firaso filakee fivavasye. 62Na yeekyena lyawo lyikava vandu fiku makumi avii na firaru, wo nndu Nndumi Iruva yewo veetiri mwiiri umwi na mmwasi, neelyi valekeevasasande na vana va Israeli, nkyo wo valaonise ding'u sha wo.
63Yewo mmbo valeekyenwa Mose na nkohani Elieseri llya valeekyennya vandu alya imungony lya Moabu, kufii na Yordan yoo Yeriko. 64Lyo nnang'ani yaawo nkweiyo nta umwi wa valya valeekyenwa Mose na nkohani Aron-fo, valya valeveekyena alya Sinai. 65Ni llya Nndumi Iruva emmaamba nkuti vafiiye kulya kasa. Nalyo nnyalesaa-u nta nndu umwi-fo, kuuta Kalebi mwana wa Yefune na Yosua mwana wa Nuni.
Currently Selected:
MEEKYENA 26: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
