MEEKYENA 25

Vana va Israeli Alya Peori

1Naasa Vaisraeli vakakaa alya Sitimu, womi vawo vakabooka ituusa vaka va Moabu; 2mashika mmbo valevaanga vandu yewo vakeenda nawo firasyony fya maruva awo, nawo vakalya shoonga yeto teerasya, marua awo vakaveinndya maruva yoo awo, sha Baali wa Peori. 3Nndumi Iruva, Iruva karooyo ni unyafi kimaruma kya Israeli. 4Kyasia Nndumi Iruva, Iruva kavia Mose, “Iboo vasongoru woose va vandu yewo kuvaorote mbee ya Nndumi Iruva kundevavanika nsanyiny, kyere na unyafi lwa Nndumi Iruva Lwiire mbai Lulakooye Israeli.” 5Naasa Mose kavia veesalallya vana va Israeli Wo nndu nawaa vandu vakwe valya valeenndya Baali wa Peori. 6Nalyo nndu umwi wa vana va Israeli keengye vana va maye nka umwi Mmidiani Mose eeiyo na vana va Israeli woose, kyeeri vekeiya yoo mwaangony wa yeema yeele. 7Nawe Finehasi mwana wa Elieseri we mwana wa Nkohani Aron, eekilollya indo, 8Kavadosha naifumu ve vavii, nndu yeto Mwisraeli na nka yeto kandosha yoo ndeu. Naasa vana va Israeli mmbalekiwonisa ngapo ingyi-fo, 9Na yewo valefwa indo vakafikya vandu fiku makumi avii na fiina.

10Numa ya vayo Nndumi Iruva karera na Mose, kammbia, 11Finehasi mwana wa Elieseri wa nkohani Aron, mmbo alefweera unyafi lwakwa kya vana va Israeli, mashika elyi alesukywa shaasa yeny shilesukywa, naambo shilasheemamita vana va Israeli woose. 12Kimmba niindo, ulaalu amba indi, We mmbo shanniinga kyaasa kya unapwe lwakwa 13we na ufyari lwakwe lwa numa kyaasa kya iva makohani llung'anu, mashika llya aletirwa nkififi kyeekunda Iruva wakwe, kavevikya vana va Israeli usandi.

14Na nndu yeto Mwiisrael alewaawa ando amwi na nka ulya Mmidiani mmbo eevaangwaa Simri mwana wa Salu, ekee nniini wa ufyari lwawo lwa Simion. 15Na irinalya nka yeto Mmidiani alewaawa ni Kozbi mfu wa Suri, nawe mmbo eekee kisongoru kya va mmba ta ndeye efo Midiani.

16Naasa Nndumi Iruva karera na Mose, kammbia, 17Saveesa Vamidian kuvakabe; 18kimmba vakevasaveesa yeni na mitambo yaawo, shaasa valemweeveta yeni mukainndya Baali wa Peori, na kya Kozbi yeto nniini wa Midiani, mfu yeto waawo, alewaawa kimaruma kya efyo efo Peori.

Currently Selected:

MEEKYENA 25: MAS2

Highlight

Compare

Copy