MEEKYENA 27
27
Vefu va Selofehadi
1Kyeeri ekyi vefu va Selofehadi wa Heferi wa Gileadi wa Makiri wa Manase akee mwana wa Yosefu, na marina a vefu va Selofehadi nng'u yaa, Mala na Noa na Hogla, na Milka na Tirsa, 2Nawo vakasalala yoo mbee ya Mose na Elieseri we Nkohani na mbee ya vasongoru na mbee ya vandu woose, yoo yeemeny yeele, vakavavia 3Nde weeru mmbo alefiyya kunu kasa, nawe lyo nta nnyekee umwi wa valya valesalala kilashana Nndumi Iruva veeteterwaa n'Kora-fo; lyo we mmbo alefwa kyakwe muni, nalatiri mwana wa kyuumi. 4A mmbo kyava inda irina lya ndeeru lyuutwa marineny a ufyari lweru vai tupu elyi naleetiri mwana wa kyuumi. Yese luniingwa ding'u ando amwi na vana va maye va nde weeru. 5Naasa Mose kauuya Nndumi Iruva mbony yei. 6Nndumi Iruva karera na Mose kammbia, 7Vefu yewo va Selofehadi mmbo vaamba kindo kya usumanu; nkuti kuvaniinge ding'u ando amwi na vanavamaye va ndeyaawo nkyo kuvaniinge na ding'u ya ndeyaawo. 8Naasa kurere na vana va Israeli kuvavie, “Kwakooya nndu afwa nalatiri vana vakyuumi llyo kuniingyaa mfu wakwe ding'u yakwe. 9Na kwakooya nalatiri nta mfu, aningyaa vana vamaye ding'u. 10Na kwakooya nalatiri vanava maye, vanava maye va ndeye vaniingwa ding'u yeyo. 11Na kwakooya ndeye nalatiri vana va maye, yeto akee wa kufii efo ufyariny, nawonise ding'u yakwe; na elyi mmbo lyivaa usumanu na ivavasyo kwa Israeli, shaasa Nndumi Iruva alevavasya Mose.”
Yosua a Asauwa Nsongoru Ando a Mose
(Nku 31:1-8)
12Nndumi Iruva kavia Mose, Saama uwe ya ifumbu elyi lya Abarimu shikoore uruka yelo shileniinga vana va Israeli. 13Neewe kwammaa iilola, neewe mmbo kundesangaa na vakuu vafo, indo shaasa kilevekooya mwanamau Aron; 14nakyo mmashika llya mulemina irero lyakwa alya kasa ka Sini llya vandu valekunung'una, valashitirye wiindi nta alya mureny ulya, mura yeto ni wa meriba ya Kadeshi, kulya kasa ka sini. 15Mose karera na Nndumi Iruva kammbia, 16Woi Nndumi Iruva wa muu wa fyoose fitiri muu, vikany nndu nasalallye ironda elyi, 17nndu avakallyaa veshaanga na isomuka, naambo ironda lya Nndumi Iruva, lyilasheeva sha mburu tilatiri mwiisi. 18Nndumi Iruva kavia Mose, “Iboo Yosua mwana wa Nuni akee nndu nkaye mmumuyo, kumwekerye woko lwafo, 19kumweende kwa nkohani Elieseri na mbee ya ironda lyoose, kummbavasye findo fyoose mbee ya vandu woose 20Kumwaavye na kyenga kya wiindi lwafo, naambo ironda lyoose lya vana va Israeli vakooye imwaarannya na wiindi 21Nawe mmbo asalalaa mbee ya nkohani Eliasari esoraa uvavaso lwa Urim yoo kwa Nndumi Iruva vandu vatane fyoose vesoraa kindo ashaambaa, we na vana va Israeli woose.” 22Naasa Mose kavetana shaasa Nndumi Iruva alemmbavasya kaipoo Yosua kammbika mbee ya nkohani Eliasari yoo mbee ya ironda lyoose; 23Mose kamweekerya maako, kammbia marero elakana nawe, katana indo shaasa Nndumi Iruva alemmbavasya.
Currently Selected:
MEEKYENA 27: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
