NAHUMU 2
2
Irumatwa lya Ninavi
1Mwirumata ankusheya nakurumate Ninavi, Nndu mwisaara-saara;
Ringa shia!
Vika uringyi shia toose!
Kwiishave nisha!
Sangyirya finya tafo toose!
2Mashika Nndumi Iruva mmbo akeeviirya Yakobo itumbe lyakwe,
sha itumbe lya Israeli,
Ra na elyi vakiduva kulaore vevareeya kindo,
Naakwa maramba a misabibu yawo mmbearambuya yefo-si.
3Ngawo ta vandu vakwe vakaari mmbo tidodorye,
Vandu vakwe vakaari va fira mmbo varee soori tidodorye dava.
Mitikaa yawo ya frasi mmbo amikaa sha muro
Ammaa idesywa ikabana,
Frasi ntitiri ufoo tara-fo mashika mmbo tilangye ikabana.
4Mitika ya frasi mmbo ikee ibufuka kyuumu,
Eesheenda kunu na kulya uvasheny
Mmbo akee imika sha muro!
Mmbo akee irisha sha ngova
5Ulaalu avaanga vasuri vakwe,
Mbakeekaba marende elyi vakeensora,
Mbakee yeenda isimammbeny nsangadidi
Indi kiirikiso kya-n-deesywa.
6Fiirikiso fya mira fyanruwa,
Mmba ya mangyi yanrewa nrapu.
7Nka wa mangyi akeemoosye fyooveny;
kakamarwa mfungwa,
na fishinga fyakwe nfikeekapa kiiyo,
Mmbo fikeefiira sha mbeta, vakee ikukakapaa mbafu.
8Ninavi nsha irrwa lyilewunnduka,
Vandu va vayo mbakee irisha mwaala.
“Salaleny! Salaleny!” Unyanga lukeevaanga,
Kya indi nkwiifo akee iwuya numa-fo.
9Kurikeny mfungwa wa fesa,
Kurikeny mfungwa wa saabu!
Ulyimi lwakwe llutiri umando-fo!
Mmbo kwiishwe wo kindo kya wuuru uniini!”
10Urumato, irumaka na ilyamarwa
Ninavi yallyamarwa
Mirima yammaa ifwa, na ndi tawo tikererema,
Mmbo vansiyywa mfinya na fisangu fikafuuka funy!
11A nkwi ndeshe wa miiso ukai,
Yeto weekee mbako ya yoovya ya vana va miiso, ando miiso irwee fyelya?
A mmbo kwa-va inda-se ando yoo a miiso,
Ando vana va miiso kulaore kweeifo kindo kya iwamattwa?
12Miiso ileratuya vana va vayo nteera vamaa,
ikafurukannya miiso ta kyika nteera,
Mmbo eeshurye mindeshe yakwe fyelya,
Na ando akwe keeshura-u maweto a nteera.
13Yeny Nndumi Iruva shaamba ule, “Nshikee kilasha kyany,
nshimamitaa na muro mitika yafo ya frasi,
shimamite na usu miiso yeto tafo, findo kulelyima urukeny shifimamite
na unyanga lwa varumi vafo llushiitiwaa lyingyi-fo.”
Currently Selected:
NAHUMU 2: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
