Valevi 15

Utefusu

1Naasa Nndumi Iruva karera na Mose na Aron, kavavia, 2Kyasia reren na vana va Israeli, muvavie, kyeeri nndu moose akooya eeshukwaa ni usa, mmbo avaa ntefusu kimaruma kya maashi yoo. 3Na utefusu lwakwe kimaruma kya usa yelo, kwakooya mwiili wakwe ukeepusuka usa, ao kwakooya usa lukeesaa mwiiliny, lyo mmbo akee ntefusu, 4Kitara ekyo akelaaya mmbo kikee kitefusu, na kindo ekyo akyillya mmbo kikee kitefusu. 5Nndu yeto apaanaa kitara kya nndu yeto mmbo asangyaa soori takwe neesamba mwiili mureny, naveva ntefusu fika nkwaany. 6Na nndu akaya kitara kyankaywa ni nndu akeyuukwa ni usa, nasangye soori takwe, neesamba, nave ntefsu fika nkwaany. 7Na nndu kapaana mwiili wa nndu mwiukwa ni usa nkuti nasangye soori takwe, nasambe, nave ntefusu fika nkwaany. 8Na kwakooya nndu mwiukwa ni usa afisha nndu nsha maare llyo nasangye soori takwe, nasambe, nave ntefusu fika nkwaany. 9Na ando koose akaa nndu akeeyukwa ni usa ni ntefusu. 10Na nndu moose yeto apaana kindo kyekee kwasi yakwe mmbo avaa ntefusu fikaa nkwaany, na nndu eepoo findo efyo mmbo asangyaa soori takwe, neekusangya mureny, nave ntefusu fika nkwaany. 11Na nndu moose apaanwaa ni nndu mwiukwa ni usa, kulore asangya maako akwe mureny, mmbo asangyaa soori takwe, neekusangya mureny, nave ntefusu fika nkwaany. 12Na kiiya kya uteeri apaana yeto mwiukwa ni usa, mmbo kifishwa-fishwa, na kiiya kya kiri kisangyo mureny, 13Neeto akeeyuukwa ni usa kammaa yiilyiswa, mmbo asheekenaa mikonu mfungare ya yiilyiswa lyakwe, nasangye soori takwe, nendesamba mureny, nakooye yiilyiswa. 14Na nkonu wa nyanya naonise mbeta ivii, ao mabore avii a mbuku, neende nato mbee ya Nndumi Iruva, yoo yeminy lyekwanannya, narambikye nkohani ndeye yeto; 15na nkohani natiserisyeu, imwi ive kiraso kya ulyamari, na ya kavii ni kiraso kyekora na muro, nawe nkohani navike usandi kwa Nndumi Iruva kimaruma kya usa lwakwe.

16Na kwakooya nndu ookwa ni usa lwakwe, llyo nakusangye mureny, nave ntefusu fika nkwaany, 17Na soori ao shony yapaana usa, mmbo isangyoo na mura, iveva shitefusu fika nkwaany. 18Na nndu nndumi kalala na nka kammamya woose vevavii nkuti vakusangye, mmbavaa vatefusu fika nkwaany.

19Kwakooya nndu nka akee mikonuny yakwe, mmbo akaa ekee kwaasha ando a mikonu mfungare, na nndu moose ambaana mmbo ava ntefusu fika nkwaany. 20Na kindo kyoose akilaaya kyeeri ekyo kyeekaa kwaasha nikitefusu, neekyo akikaya kiwo kiveva kitefusu. 21Nndu moose kapaana kitara kya nka yeto mmbo asangyaa soori takwe, navesamba, nave ntefusu fika nkwaany. 22Na nndu moose apaana kyindo kyoose ankaya nnyasangya soori takwe, nawe muni 23Kwakooya nkitara, ao kindo kyingi akaya nka yeto, kankipaana mmbo avaa ntefusu fika nkwaany. 24Na nndu alala na nndu nka na utefusu lukankooya, mmbo avaa ntefusu ando a mikonu mfungare, na wo kitara alaaya kive kitefusu.

25Na kwakooya nndu nka ookwa ni samu ando a mikonu miingi, mmwasi ya mikonu yakwe, mikonu yeyo ya samu ya utefusu lwakwe, mmbo ashevaa sha mikonu ilya yeekaa kwaasha, we ni ntefusu. 26Wo kitara ekyo akilaaya kyeeri ekyo kya yuukwa nsamu, mmbo kivaa sha kitara kilya kyeevikwa kwaasha, na wo kindo alaayaa nkitefusu, sha utefusu lwa ikaa kwasha lyakwe. 27Na nndu moose yeto apaanaa findo filya mmbo avaa ntefusu, nawe nasangye soori takwe, nakusangye mureny, naveva ntefusu fika nkwaany. 28Naakwa nka yeto ammilyiswa kimaruma kya samu yakwe, lyo neekene mikonu mfungare, nakwilyiseny. 29Nkonu wa nyanya naonise mbeta ivii, ao mawore avii a mbuku neengye nkohani, yoo moongony wa yeema. 30Nkuhani naserise imwi ive kiraso kya ulyamari, na yaa kavii ive kiraso kyekora na muro, nawe nkohani navike usandi kwakwe mbee ya Nndumi Iruva kimaruma kya samu ya utefusu lwakwe.

31Nindo mushevikaa vana va Israeli kwaasha kya utefusu lwawo; naambo valasheefwa na utefusu, kwakooya vatefusa mmba yakwa yeyo ikee kwawo.

32Yelyo llyo ivavaso lya yeto ashukwaa ni usa na lya yeto ashukwaa mmaashi akamwaallwa nravi; 33na lya nka yeto akeembike kwaasha, na lya nndu ashukwaa ni usia, kava nndu nndumi ao nka, yeto alalaa na nka akee ntefusu.

Currently Selected:

Valevi 15: MAS2

Highlight

Copy