FIIYO 4
4
Yerusalemu immaa Imamitwa
1Saabu ilya yeeru yekeemika yammba iturya
Na mawe a mmba ya Iruva akanyanyaka efo shieny ta muri
2Vana vakoo va Sioni mmbo veevakye saabu kweru yese
Kyeendi ulaalu mmbo vammba sha uteri lwa nungu
3Kyeendi naakwa mmakitye a ngoroshony,
mmbo alelaa vana va vayo
Lyo vandu vakwa wo vakavaka nyaa, isuuye kifuri kya vayo.
4Mmbo vara vana vawo vakawaawa nshaa na nyura,
vana vakeerevya kyeelya lyo valawonaa mwiivaniinga.
5Vandu valya vekeelya shoonga shisha ngota woose,
ulalu mmbo vakefiyya efo shieny ta muri,
yewo valeng'annya usimbeny,
ulaallu mmbo vakeerorwa fyeelya.
6Vandu vakwa mmbo vakee vakape vakairya valya va Sodoma.
valya Iruva alevasheya tiny kavakapa.
7Vana veru vekee va ki-mangyi,
valatiri ivara, vaa peru, vakatira finya.
8Ulaalu nnyefo shiyeny ta muri valele valakiishiwa,
vakafwana wuu,
vakooma pony sha ukwi,
ando amwi na maffwa awo.
9Valya valefiyya fireny vakava kyeni ngota valya valefwa numa,
yewo mmbo valefwa waarya,
vawaawa nshaa elyi valetura shoonga.
10Ukiva elo lulesheya vandu vakwa mmbo luleawuta nnu vandu.
vaka vakalya vana vawo veni.
11Nndumi Iruva mmbo aleinutya unyaasi lwakwe kaata muro Sioni,
ukamamitya findo fyoose.
12Ulaniny koose, vave naakwa ni veeshillya,
nkwiifo nndu eeshi sheelyi vakiduva vashidimaa ishingillya Yerusalemu-fo.
13Kyeendi kileidimika indo mashika elyi vakisuku valelyamara
na vakohani vakeengye
vandu valalyamarye nta kindo vakawaawa.
14Vasongoru vawo vakaraaraa efo shiyeny ta muri vekee sha vafu miso,
veefwani samu kutani nndu eereya ivaserikya.
15Vandu mmbo vevavia,
“Kweete, kwete, mmbo mukee vatefusu,
Kulashipaani-fo!”
Vakeenda efo neefo masangeny
valaoni ando kwa iimuya.
16Nndumi Iruva nnyalevasara-fo,
kavanyanyata. Nnyalesara vakohani
nta vasongoru veru-fo
17Lukavereya lukaaraa naambo luwoni ngarami,
lyo lulaiwoni.
Lukavereya lweekkyo ni vandu valashidimaa nta yeekya, lyo ruu-da.
18Ate nkiduva mmbo ekelulla-da,
nta llweidima isomukya efo shieny ta muri-fo,
Mikonu yeeru yemmisya,
urumato lweru lwemmaafukya.
19Vakiduva mmbo vesha sha uviri,
lukarishiswa Vakaluvingya efo fidoorony,
vakaluumbutya efo kasa koomu.
20Mangyi ulya lwembikye nsia mmbo alelasuwa ni nsoori,
Neese mmbo lweevikye nsia yoovya kirisheny kyakwe
21Fura yewe ewe Edomu na Usi,
kyesa shaasa kushidimaa,
Lyo urumato lwafo lukusheyaa,
kusuke kwiirewaa mbereto.
22Ewe mwana wa kyeny Sioni, uravi lwafo lufye.
Nndumi Iruva nnyakiluraa-se ushingeny-fo.
Lyo ewe Edomu, Nndumi Iruva ashekukapaa,
noore paa uravi lwafo.
Currently Selected:
FIIYO 4: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
