YOSUA 19

Minyanu ya Simion

1Naasa na vana va Simion vakaniingwa waavi lwawo shaasa vafye, nawo vakakaa yoo nnaang'ani ya ufyari lwa Yuda. 2Miri yaawo ni Beer-sheba, na Sheba na Molada, 3na Hasar-shuali na Bala na Esemu, 4na Eltoladi na Betuli na Horma, 5na Siklagi na Betmarkaboti na Hasarsusa, 6na Betlebaoti na Sharuhen mmiri ikumi na iraru na fyuungo fya vayo, 7na Aini na Rimoni na Eteri na Ashani, miri iina na fyuungo fya vayo. 8Fyuungo fyoose firingitye miri yeyo, fika Baalat-beeri, na Rama ya Sinde. Yelo llo waavi lwa vana va Simion shaasa valeavyo. 9Ding'u ya vana va Simion mbo lukee ando amwi na lwa vana va Yuda, mashika yelo lwa vana va Yuda mbo lweeng'ani nnu, nkyoo vana va Simion vakaavyo-u.

Uruka lwa ufyari lwa Sablon

10Naasa ikamba lya kararu lya yaavyo lyikava lya vana va Sablon, na nnyanu wawo mbo wefika Saridi, 11ukarwa na taari ya nkwaan fika Marala na Dabesheti, fika usokeny lwa wa Yokeneyamu. 12Na uka Saridi ukasora taari ya ngama fika Kisilot-tabon fika Daberati fika Yafia. 13Kuuka ukafika Gat-heferi efo taari ya ngama fika Ethkasini na Rimoni na Nea. 14Nnyanu ukaringitya uruka yelo taari ya ndoo fika Hanatoni nkandefika imungony lya Iftaeli, 15na Kitathi na Nahali na Shimroni na Idala na Bethlehemu, nnyo miri ikumi na ivii na fyuungo fya vayo. 16Lukava llo waavi lwa vana va Sabulon shaasa luvefye.

Minyanu ya Isikari

17Kyaasia, vana va Iskari nawo vakaavyo shaasa vafye. 18Nato nnyanu wawo ukafika Yereseli na Kesuloti na Shunemu. 19Na Hafaraimu na Shioni na Anaharati, 20na Rabitu na Kishioni na Ebesi, 21na Remeti, na Enganimu na Enhada na Bethparesi, 22fika Tabori na Shahasuma na Betshemeshi ukandekooya mura wa Yordan, myoose ikava miri ikumi na irindaru amwi na fyuungo fyoose. 23Llo waavilwa vana va Iskari shaasa vafye

Minyanu ya Aseri

24Llyo waavi lwa karaanu lukava lwa vana va Aseri shaasa nawo vafye. 25Vakamanda Helkati na Hali ya Beteni na Akishafu, 26na Alameleki na Amadi na Mishali, kandekooya ifumbu lya Karmeli taari ya nkwany na Shihor-libnati; 27ukalemya fika taari ya nkwaany fika Beth-dagoni, ukafiitana na Sablon neekooya imungo lya Iftaeli taari a ndoo fika Belementi na Neyeli, fika Kabuli woko umuso lwa vayo, 28na Ebron na Rehobu, na Hamoni na Kana fika muri nniini wa Sidon. 29Naasa nnyanu ukalla taari ya Rama, na muri wa turuve wa Tiro, nnyanu ukaringitya fika Hosa fika yeeveny kundefika Aksibu. 30Na Uma na Efeka na Rehobu, nnyo miri makumi avii na ivii na fyuungo fya vayo. 31Waavi lwa vana va Aseri llo yelo miri yaawo shaasa vafye.

Minyanu ya Naftali

32Naasa ufyari lwa Naftali nalo lukaavyo waavi lwawo shaasa nawo vafye. 33Nnyanu wawo mbo ulebookya Helefu uka alya miriny ya Saananimu, na Adami-nekebu na Yabineeli fika Lakumu kufike mureny wa Yordan. 34Nnyanu ukeenda indo fika taari ya nkwaany fika Asnot-tabari, ukau ukeenda fika Hukoki, ukandekooya nnyanu wa Sablon taari ya sinde, na nnyanu wa Aseri taari ya nkwaany, na ufyani lwa Yuda yoo mureny wa Yordan kuleenda na taari ya ngama. 35Na miri yeetiri turuve ni Sidimu na Seri na Hamati na Rakat na Kinereti; 36na Adama na Rama na Hasori, 37na Kedeshi na Edrei na En-hasori, 38na Ironi na Migdal-el na Horemu na Bataneti na Betsheweshi, mmiri ikumi na kyeenda na fyuungo fya vayo. 39Llyo waawi lwa vana va Naftali shaasa vafye, miri yeyo na fyuungo fya vayo.

Minyanu ya Dani

40Waavi lwa mfungare lukava lwa vana va Dan kiinani nawo. 41Na nnyanu wawo ukabookya muri wa Sora na Eshtaoli, na Irishameshi, 42na Shaalabini na Aiyaloni na Itla 43na Eloni na Timna na Ekroni, 44na Elteka na Gibetoni na Baalati, 45na Yehudi na Bene-beraki na Gitrimoni, 46na Meyarkoni na Rakoni nkaenda indo ukandekooya Yafa 47Na elyi vana va Dan valereta kyenga kyawo vakandekabana na vandu va Leshemu, vakaviira neewaa vandu veengyi neetira uruka elo, muri yeto vakaufishya Dani, llyo irina lya nkuu waawo. 48Yelo llo waavi lwa vana va Dani shaasa vafye, nnyo miri yaawo na fyuungo fyawo.

Uramba lwa Kyaau Kilya Kilesaa-u

49Naasa vana va Israeli veekimaa yaava uruka neevika minyanu myoose, naasa nawe Yosua mwana wa Nuni kaniingwa waavi lwakwe, 50shaasa Nndumi Iruva alevavasya, kasauwa muri aukunda, nto Timnat-sera, nato mbo weekee urukeny lwa mafumbu lwa Efraimu, Nawe Yosua Katokoba muri yeto kakaafo.

51Na Elieseri we nkohani, na Yosua wa Nuni, na vasongoru va vana va Israeli vekimaa yaava veekapaa kura mbee va Nndumi Iruva kulya Shilo. Niindo valemaa ishora lyeevaavya uruka.

Currently Selected:

YOSUA 19: MAS2

Highlight

Compare

Copy