YOELI 2

Nnre ta wiikimbi

1Yeni va Sioni, kapeny mbembe,

Ongoreny yeni mukee ifumbuny yeele

vandu va uruka woose vareremye-u

Kimmba nkonu wa Nndumi Iruva wansha.

2Nkonu eto ushevaa irrema na ituu nkonu muu na mafishi asherandavaa.

Ironda iniini lya nre lyivakye ireema lyishesikyaa mafumbu.

Nkulekee-fo kindo sheekyo-fo nta kishekaafo-fo.

3Ilya lyavayo lyishevakaa muro. Efo kulore tamfika n'sha nnda wa Eden, lyo numa n'kasa koomu. Nkwiifo kindo kikesaa-fo-fo. 4Mmbo tivakye frasi-ta fira shaasa tirishaa. 5Ntiri wavayo ukavaka wa makari a fira ashivaa kundo kwa fidooro, niindo tisherumbukaa, Tivevaka finya ya muro elyi wakora makyenya moomu, ao sha itorito vakaari va fira. 6Veelola vasheerevee, fisangu fipaluwa palu mmbweerei. 7Nrie yeto mmbotisheshaa na finya nnu, tirwe na uwe sha itorito va fira, wo imwi iishi shia yavayo tilateeree. 8Kulaifo nta imwi ikunaa ingi, wo imwi na shia yavayo, wo imwi ishiira mbai kulaifo kibaaya. 9Mmbo tarumbukya muri tikasaama na isimamba na yaanga efo mmba tishiraa neefo madirisheny tikavaka msanyinyi. 10Shaasa tikeesha ulana na ngina mmbo fyarerema. Na nkyeere na mwiiri fikareta sa ando amwi na nyinyiri deny. 11Nndumi Iruva mmbo avavasya ironda lyakwe, valya vamwiirikye vakava veengi neetira finya. Apaa nkonu eto wa Nndumi Iruva shaasa weeresye. Mmbi asheturunyaa?

Uvaango lwa Ikurya

12Naakwa ni ulaalu Nndumi Iruva arera na vandu vakwe kaamba, “Kuryeny kya dede deny mukootoye neekapa kiiyo. 13Nshi masara any murandwaa-fo, m'mirima yaany, muwuiye Nndumi Iruva waany.” Shamashika mmbwe atiri ilyillya na isarya, Nta nshi mwaangu wa irosa ngoo-fo, mmbo aingifyo ni ilyillya, nalataiyaa makasha. 14Kulakooye Nndumi Iruva ashealashikaa naluniinge-se mbora, llyo neeni mushemutyaa firaso fya nswa na mfinyo.

15Yeni va Sioni, kapeny mbembe

Kusanyiryeny veengi nnu mukootoye,

16Sanyiryeny vandu woose mukootoye,

mukwiilyise,

woose, vakuu na vana neewo vashongaa.

Naakwa ni Nndumi Iruva wa walyi nasomukye, na

nafummyi na poo.

17Vakohani vefurukannya Nndumi Iruva ando kweele na yoo mwangony wa mmba ya mwiindye vaiye netereva, veshaamba,

“Voi Nndumi Iruva auwany vandu vafo,

nta kulalotore vandu va masanga engyi valwarare na iluteenda,

veshaamba, ‘AIruva waany akee kwi?’”

Iruva aviirya Uruka Mbora

18Naasa Nndumi Iruva kalyilya vandu vakwe kavaiya mashoya na mafura kutani mwawuura shapu, nta mmushekivaa-se seko efo vanduny va masanga-fo.

19Nndumi Iruva karouwa, kavia vandu vakwe,

“Loleny, shimwengyee kyeelya na kyeena,

na mafura muvuure shapu,

nta mmushekivaa-se seko efo masangeny-fo.

20Ironda elyo lya nrie lyileuka taari ya ndoo mmbo nshelyumbutaa,

kyenga kyikee mbee lyeende efo urukeny wuumu,

na kyenga kyikee numa efo yeeveny ya ngaminy,

na tingi yeeveny ya nkwaany.

Mikying'a yavayo isheraa

Neeny nshetaiya efyo fyoose tilemutannya.”

21Ewe uruka, nta kulairyae, Fura neekapa nkoru kimmba Nndumi Iruva ankutanya finiini. 22Neeni mafisi nta malasavae, mashika mooro ushemmyaa kundo kwa kasa, na miri ishevikaa ndunda, misabibu na miri ya mafura. 23Eni va Sioni fureny-te mu kyesye Nndumi Iruva akee Iruva waany, kimmba we ashemuningaa mmbwa ya kisie na mateeri shaasa akundye uka elyo mbee. 24Neefo muunguny kusheishwaa nganu, neefo raanriny kusheishwa mfinyo na mafura. 25Neeny mmbo nshemuviryaa muu kya myaaka yeyo mulelyiwa ni nrie, na uleri mashanga na ngallya. 26Neeni mulye newuura marumishe irina lya Nndumi Iruva waany, yeto amutanya finiini indo. Nta vandu vakwa mmbashekisavaa-fo. 27llyo mushemanyaa sheelyi mmbo shikee na vandu vakwa va Israeli, nnyeny Nndumi Iruva, Iruva waany, kulaifo ungyi, nta vandu vakwa valashesavaa.

Nkonu wa Nndumi Iruva

28“Numa yavayo mmbo nshepusuya vandu vakwa woose mumuyo wakwa, vana vany va kyuumi na va kyika vasheawuyaa fisuku. Vamiku nawo woorye moorya, na vana vakoe vashesukuywa myoorye. 29Naakwa ni veemufurukannya mmbo nshevapusuyaa mumuyo wakwa, womi na vaka vapusuyo mumuyo wakwa. 30Mmbo nshevikaa ngyende alya nginii-u na kunu urukeny, ipuswa samu, muro na mafishi na nsu fisherandavaa. 31Nkyeere urete sa yavayo na mwiiri ufwani samu. Efyo filollyo kulore nkonu eto nniini wa Nndumi Iruva weeresye wansha. 32Lyo yewo vashefuyaa Nndumi Iruva vashekirwaa. Kimmba Nndumi Iruva ni indi aambaye, Efo ifumbuny lya Sioni na Yerusalemu veefo vashekirwaa, mmbo ewo Nndumi Iruva ambasauwa.”

Currently Selected:

YOELI 2: MAS2

Highlight

Compare

Copy