YOELI 1
1
1Irero lya Nndumi Iruva mmbo lyilesheya Yoeli mwana wa Petueli lyikammbia indi:
Vandu Vaiya Kimaruma kya Fimu Ilyamarwa
2Misabibu nayo ikanaa
miri ya mikuu ikakunarya
naakwa ni kukumanga, mitende na mtofaa,
Yee-da miri myoose ya ireminy yamuuma
Mashika ifura lyamanda vanduny.
3Ongoyeny vana vany mbony eti,
nawo woongoye vana vawo, nawo vavie vashuku.
4Ironda numa ya ironda lyingyi na uleri,
lyikalala uwe ya fimu
filya filesaarwa-fo fikalyiwa ni mashanga na ngallya.
5Yeni vanangwa okyeny-te, muiye neekapa kiiyo.
Kyeendwa nkyaanka kya wari wany,
Mashika mmukiulollyaa lyingi-fo.
6Mashika vakiduva vatiri finya valavaa yeekyena
vanshiraya,
Mayoo awo akee sha a miiso niini.
7Mmbo valyamara fimu fyakwa fyoose vakaambuya fyoose
si, kulasae-u nta kimu kimwi.
8Kapa kiiyo sha sambura iree soori ta kiiyo afiyyo ni mmi
wakwe.
9Nkwiyoo kiraso kya nswa nta kya mfinyo kishutyoo
Iruva-fo.
Nkyo kimaruma vakohani vafulukyo neefwa (iiya).
10Marema nnyatiri kindo-fo, ni elyi nganu na ndunda
tavayo tammamitwa tikooma, na miri ya mafura ikauma-da
11Kimaruma kya nganu, elyi fimu filakiifo
12Misabibu nayo mmbo yanaa na miri ya ndunda tingyi
ikarooma,
Miri myoose ya mareminy ikooma
Na ifura lyikawiika vanduny.
13Yeni vakohani raeny soori ta kiiyo.
Ongoreny yeni veerundya ando kweele
Oshony mulale shoovi, yeeni veefurukanya Iruva.
Mashika elyi firaso lfya nswa na mfinyo filakiifo.
14Kootoyeny, musanyirye vandu, vamiku vasanyirye vandu woose
Vaende mmba ya Nndumi Iruva waany vamfuuye.
15Woshiny lweru nkonu yeu,
Mashika nkonu wa Nndumi Iruva ukee kufii
mmbo ushaa sha urumato luukye kwa yeto akee Mwaafinya.
16A ndesa lluletura shoonga lwiilolaa indi? Lulaoni nta ifura efo mmba ya Iruva weeru? 17Mbeu lulevaaya tikapoya efo si. Mbeshe teru tikarewa ruu, na kai keru kakeela peru. 18Findo fyeevikya fikanangwa n'shaa, ng'umbe tikasavaa titura ura, na moonri nang'u akaona ukiva.
19Woi Nndumi Iruva shakufuuya-dwa kushilyillye,
mashika elyi muro ulemamita mooro moose
ando amwi na miri efo mareminy.
20Naakwa mmafisi mmbo akeekufuuya yewe,
mashika ngyusoka toose mmbo tileummya,
na mooro moose akasia.
Currently Selected:
YOELI 1: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
