HOSEA 14
14
Irero lya Hosea kwa Israeli
1Yeni vandu va Israeli, wuyeny kwa Nndumi Iruva waany. Ulyamari lwany llo lulemweengye nsindara mukawa. 2Wuyeny kwa Nndumi Iruva nakyo kiterewo eki kiwe sha kiraso kwakwe. “Lufwaaye ngyulyamari teru kuwarye kiterewo kyeru, neese lushekurumishaa shaasa lulevika kyaasa, 3Siria nnyishidimaa ilweekya-fo, nta frasi ta fira ntishidimaa iluringa-fo. Nta llukyambaa mafwanu ni Iruva weeru-fo. Woi Nndumi Iruva lyillya yewo valatiri ungyi vambuiyaa.”
Nndumi avika kyaasa kiyya kwa Israeli
4Nndumi Iruva kaamba, “Mmbo nsheviraa vandu vakwa na kwakwa, shivakunde na nrima deny nta nshishekiswaa nawo-fo. 5Kwa Israeli mmbo nshevaa sha mmbwa yakapa ando kuumu. Nawo mmbo vashevaa sha fivaro, miraarii ikutire si deny sha miri ya Lebanon. 6Mmbo vashekaa na muu mwiiya vavake miri ya mafura, vamike sha nsito wa Lebanon 7Mmbo vashewuyaa ikaa uringyiny lwakwa, varemi nganu neevesywa sha nnda wa misabibu.
Vamanyike sha mfinyo wa Lebanon.
8Vandu va Israeli mmbashekisoraa maruva a wongo-fo. Mmbo nshevaringaa neerouwa fiterewo fyawo. Mmbo nshevavikyaa nruve vave sha nri ulanaa, shive kimayeny kya mbora tawo.”
Mafurummyony
9A mmbi yeto atiri urango namanye efyo fikee fireiye yaa vafivike nriminy? Shia ta Nndumi Iruva nta usumanu. Na vandu va usumanu mmbo vatisoraa. Lyo valyamari mmbo vateere vakawa-fo.
Currently Selected:
HOSEA 14: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
