YOBU 34
34
1Naasa Elihu kaengera irera:
2“Arannyiny marero akwa eni mutiri urango usha,
shilootyeny maarwi any eni mutiri umanyo.
3Kuri mmbo kyeesaa marero
sheelyi ulumi lushoshaa shoonga.
4Naasa lusauwe likee lya usumanu,
lurummbwe nnang'ani yeeru yekyo kyikee usumanu.”
5Naasa Yobu ammaamba, “Yen Yobu nshitiri mbese-fo,
Iruva mmbo ashuuta usumanu lwakwa.
6Ra na elyi shilatiri kindo shilyamarye mmbo shikee lollywa sha nndu wa wongo;
kyaasha kyakwa nkikeshya-fo ra neelyi shilatiri mbese.”
7Mmbi akee sha Yobu
we kwakwe umbafu nsha ina mura?
8Mmbo asangaa na vandu vetana maravi
mmbo arrwaa na vandu varavi.
9Mashika mmbo akee yaamba, “Nndu nnawonaa mbusha shoose,
ikwaatara isennya Iruva-fo.”
10Kwayekyo shaarannyiny yeni mutiri umanyo.
Iruva n nashiidimaa itana uravi ttwa-fo;
Iruva muni finya nnamanyaa irenga-fo.
11Iruva mmbo ataa wo nndu kiinani na mashora akwe,
mmbo antaiya kiinani na meengye yakwe.
12Ni dede deny: Iruva nnatanaa uravi-fo;
Iruva muni finya naretaa usumanu ttwa-fo.
13A mmbo kwiifo alenrambikkya ushilyi lwa ulana?
Widimi lwakwe uwe ya ulana ni lwakwe we muni.
14Kukooye Iruva mmbo akukusaria we muni nsi,
aute mumuyo wakwe wa muu ulaniny,
15fyuumbe fyoose mmbo femamikaa deny,
na nndu wa vandu navuye uteeriny.
16Kwa kooya kutiri urango arannya;
arannya kindo shikekuvia.
17Ndesa mwiitorya ulana na mavavaso akwe nasswe usumanu?
A, ekaraa iutya nsaari na atiri finya uvingo?
18Yeto aviaa mangyi, “Yewe ni mbulula!”
Na vandu vasuri, “Yeni ni varavi!”
19We nyakunndyaa vaniini,
nta isara masimba ngota ngwera-fo,
mashika yewo woose m mashora a maako akwe.
20Ikafya na illa woose wameefwa;
m mbaring'iswaa kio na ikumba muu;
nawo vatiri finya mmbo vaaiyywa kwaasha kulaore kwiifo finya ta nndu.
21Miso a Iruva mmbo eesaa miengye ya vandu;
we alollye ngyayo tafo toose.
22Nkwiifo wuu nta ireema iroo
kundo vetana maravi vashiidimaa ikusuruma fo.
23Iruva n naitikkywaa imanyissya nndu
kyeeri kya imweende ikwaanuny lyakwe fo.
24Mmbo amamitaa vatiri finya kulaore avasuma,
na ivika vengyi ando awo.
25Kimmba eeshi mirundye yawo myoose,
mmbo avavunndwaa kio vakamamika.
26Mmbo avasaara mbee ya vandu
kimaruma kya uravi lwawo.
27Kimaruma valara valanlatya we,
vakamina shia takwe toose.
28Kutani vateveta kiiyo kya ngwera kifikkye Iruva
Iruva kaarannya kiiyo kya yewo veliswa ukiva.
29Kwakooya Iruva amalallya, mmbi ashiidimaa insakira?
Kasuruma kisangu kyakwe mmbi alollyaa,
30lyive ni isanga ao nndu umwi umwi?
Natanaa indo naambo nndu nravi alashillye,
ao valya vaengyee vandu ngusana.
31Lwaambe nndu ammivya Iruva,
“Shanlyamara, nshitanaase ulyamari-fo.
32Shoora sye shilashiidimaa itilollya,
kwa kooya shantana makasha n shivuiyaa-se-fo.”
33A ndesa n kuti Iruva nankape shaasa kwalollya yewe?
Nyewe kurumbwaa nshi yeny-fo.
Naasa, amba yekyo kukusarye.
34Nndu mwoose atiri urango,
na wo atiri urango usha akee shaarannya ashaamba:
35Yobu mmbo akerera kya urango lwakwe
marero akwe nnatiri mbusha-fo.
36Nkyeni Yobu eesheswaa na nshushwa fika ufishyony,
mashika mmbo akerouwa sha vandu varavi.
37Kaengera ukasha uwe ya ngyulyamari takwe;
kaengera nyinyira nnang'ani yeeru,
na yeengera marero akwe kilasha kya Iruva.
Currently Selected:
YOBU 34: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
