YOBU 33
33
1Ulaalu Yobu arannya marero akwa;
arannya marero akwa moose.
2Lola mmbo shiketarammbwa kana kyakwa,
yee, ulumi lwakwa lurere.
3Shireraa kikwaani na nrima wakwa;
yefyo shiishi shifirere na usaari.
4Mumuyo wa Iruva mmbo weshiumba,
na mumuyo wa Iruva muni finya ukashiniinga muu.
5Shirouwa kwa kooya kushiidimaa,
songosya marero afo nisha mbee yakwa kutire worotu lwafo.
6Yewe n kyimwi mbee ya Iruva;
na yeny da mmbo shikeemwuumbe na uteri.
7Kwa yekyo nkutiri kimaruma kya ishiereya fo;
marero akwa maroo n nyakuroviaa fo.
8Dede nkwarera na yeny sheeta;
shammiita fyoose kwarera.
9Yewe kwaamba mmbo kukee nsaari nta nkwiifo kindo kurenngye-fo,
kukee mwaa pya kulatiri mbese;
10kwaamba Iruva mmbo akuruiya kimaruma kya ikutuula,
na ikwaallwa sha nkiduva wakwe.
11Akee kufinga mise marende,
na iisa myeengye yafo myoose.
12Indi Yobu shakuvia yoo kwammira mbai.
Iruva ni niini ngota nndu wa vandu.
13Nkyikyi kuwakyanaa nawe,
kwa rera mmbo araa alekurouwa yekyo kyimwi kwa mmbesa?
14Kyeeri Iruva akee rera mmbo arera na shia imwi,
ao shia ingyi indi nndu nnamaanyaa fo.
15Iruva mmbo areraa na vandu maoryieny
kyeeri rwe shiroo tavavoya,
16elyi varengeya fitareny fyawo.
Yoo mmbo aruyaa vandu maarwi awo;
kavaerese na myoore akwe,
17vakooye ilakana na mitannyi yaawo miravi,
na ilakana na kiila kyawombee ya vandu.
18Indo llyo akingya nndu nalamamike,
muu wakwe ulamamitwa na usu.
19Iruva mmbo akangaya nndu na mavavio kambika kitareny,
mavavio alasyaa akatira malungo akwe;
20nawe katura isanga lya ilya,
naakwan shoonga shisha kaisswa.
21Mwiili wakwe kaniiya kutani alamanyikaa,
na mafua akwe akusurumyi akalollywa paa.
22Mmbo akee kufii deny na yaanga kifuny,
na muu wakwe kufii na vallya vaendee ufu.
23Indi nsu akee kufii nawe,
umwi nnang'ani ya mafiku a vareri va Iruva,
naambo vamwoore kindo kisha kya itana.
24Kanlillya kavia Iruva,
“Nkire nalaange irininy,
shitaa sye ando akwe.”
25Yoo llyo mwiili wakwa uvaa sha wa mwana nkoo,
ashiidimaa iwuyya lyingyi finya takwe ta ukoo.
26Llyo aterevaa Iruva na iirikkywa,
ashaa mbee yakwe kwa ifura,
na Iruva ambiiryaa se utore lwakwe.
27Ashekapaa nndoro mbee ya vandu na yaamba:
“Mmbo shetana ulyamari na ireta usumanu,
na yeny nshekapwa mashika a vayo fo.
28Iruva mmbo eshikira shilarumikkye irininy;
shansaa na muu na ilollya sa.”
29Lola Iruva mmbo atannya nndu wa vandu yaa moose,
lyingi kavii ao kararu.
30Mmbo akiraa nndu wa vandu nalarumikkye irininy,
alollye sa ya muu.
31Arannya Yobu, shiarannya na nshusshwa;
malallya sau shireraa.
32Kwa kooya kutiri kya irera kurouwe,
rera mashika mmbo shikunndye ikuekena sheelyi nkutiri mbese fo.
33Kwakooya n shi indo malallya kwa shaarannya,
malallya sau shikufunde urango usha.
Currently Selected:
YOBU 33: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
