YOBU 23
23
Kirouwo kya Yobu
1Naasa Yobu karouwa:
2Inu-da kiiyo kyakwa ni iivavywa.
Mmbo shikevavywa na iting'wa.
3A nkyema sheishi ando sheekoyaa Iruva!
Mmbo sheshiidima yeenda shifike yoo kufii nawe.
4Mmbo shesheendee mwaandu wakwa mbee yakwe,
Shimwengye kiveso kyakwa.
5Sheshiidimaa imanya yekyo eshirouwaa,
na imanya yekyo eshiviaa.
6A ndesa mmbo ewakyana na finya takwe shoose?
Oode! Kulaifo nyinyira eshiarannyaa.
7We ashiidimaa irera na nndu mworotu,
Iruva, mwirummbwa mwaandu wakwa mmbo eerumbwaa sheelyi n shitiri ukasha llung'anu-fo.
8Lola, shikeenda mbee, indi shikenkooya-fo,
Shawuya numa, indi n shikeidima illolya-fo;
9Shanruya taari ya woko umuso indi shilanlollye,
Shaindukkya woko usha kya indi nshikeeidima illollya fo.
10Indi we mmbo eeshi shia shikeelatya;
Kyeeri amaa isheesa
Llyo shisheukaa-fo shiikee sha saabu.
11Mmbo shikee latya ngyayo takwe kwa waarya,
Shia yakwe shaitira nta shikeeveta-fo.
12Shilenra tusu ilatya mavavaso akwe-fo,
Marero akwe shaavika nriminy wakwa.
13Indi we nnyaalemalashikaafo, mmbi ashiidimaa imwaallwa?
Kindo ankunda nkyo avekitanaa!
14Ashoora fyoose ashidessye;
Na fyiingyi efyo fikee urango kwakwe.
15Nkyo shikererema kwa werei mbee yakwe;
Nakwaa shakusara nsi shawoywa mbwerei.
16Iruva mmbo anteveta ngoo yakwa isokkyo mfyoova,
Iruva muni finya anshiishura werei.
17Mashika shawaywa ni ireema,
Na ireema iroo likafindikira kisangu kyakwa.
Currently Selected:
YOBU 23: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
