YOBU 24
24
1Ni inda Iruva muni finya alavikaa kyeeri kisumani kya irummbwa mwaandu;
Ao n kyikyi yewo vamwiishi valaishi mikonu yeyo yakwe?
2Vandu veuta isaale lya minyanu ya marema,
Na vengyi mmbo vaivaa findo fya ivikkya na ifivikkya.
3Vakasoka vana va ngwera mishungu yaawo,
Neereka ng'umbe ya nka wa dingu.
4Mmbo vakunnyaa ngwera mbai ya shia;
Ngwera va ulana mmbo vaovyaa mbee yaawo.
5Kwa yekyo sha nshungu wa ngoroshony
Ngwera nnyiruyaa shoonga kasa,
Vaonise kyoose kya iniinga vana vawo.
6Ngwera mmbo kivee nkuti varorwe misaaro ta fimu reminy,
Vakarorwa reminy ta misabibu ya varavi
7Kio tararaa mmbo valala mbereto valatiri soori,
Kyeeri kya mbeo mbatiri kya ikusikkya fo.
8Vakakapwaa ni mbwa ya fidoorony,
Vakaovya masimambeny naambo valapwee.
9Veefo vengyi vatakwaa vana va ngwera mbafuny ta va maye.
Vengyi vakareka vana va ngwera.
10Vana yewo mmbo varewaa vaende mbereto valaree soori,
Vevyaa nganu na kunu vatirwa nshaa.
11Vasongosyaa varavi mafura awo,
Ao ikama mfinyu kulaore nta vakeushosha.
12Uka miriny kyiiyo kya yewo vekeeffwa nkikeitiwa,
Na yewo vakevaviswa mmbo varosaa unyanga veterevaa weekyi;
Indi Iruva nnyakearannya ttwa kiterewo kyawo-fo.
13Kwiifo vengyi varavi valakundye sa,
valaishi shia ya sa,
Na valakundye itira shia ta vayo.
14Mwiwaa mmbo akupoo ngama nraasi,
Naambo nandewaa ngwera na vaturi,
Kio kikamfika ishora lyakwe ni iiva.
15Ntuusi nawe mmbo averaa ireema lishe;
Eambaa, “Nkwiifo nndu ashilolyaa fo.”
Nalyo kasuruma kisangu kyakwe na soori.
16Kio manyinyi llyo afishaa mmba,
Indi nsanyiny mmbo akurayaa mmba;
nta mmbeeshi deny sa n kyokyi fo.
17Kwavo woose ireema ni sa ya ngama,
Wo ni mbuya va fyereso na ireema iniini.
18Indo mmbo mukeeamba:
“Varavi mmbo vaipowaa uviny elyi mura usokaa,
Ando awo ekaa akawuya iva nnda ndenge;
Nkwiifo nndu eendaa reminy tawo ta misabibu fo.”
19Sheelyi laura isheekaa kyeeri kya nrikye
Ni indo kwa vafu kukeetafura varavi.
20Mashika ndeye na mae mmbo varekkywa vandu vawo,
Nkwiifo umwi vankummbwa lyingyi fo,
Ni indi uravi lufikaa sha nri.
21“Varavi mmbo valamyaa vaka valatiri vana,
Nta mmbatanya vaka va dingu nisha-fo.
22Iruva, mmbo amamitaa vaafinya na finya takwe,
Mmbo vakuboo vakafwa nrima wa ikaa na muu.
23Mmbo vakee varavi vakakulolya vakee na unapwe,
Indi miso akwe mmbo allaa myeengye yaawo.
24Varavi mmbo vavesyoo kirambo da, numa vakasarumya,
Vakanaa na isisya sha ire,
Vakamannywa kwaasha mare moomu a nganu.
25Kwakooya kulaore ni indo, mmbi yeto ashiidimaa
Yaamba sheelyi mmbo nkeamba wongo neshoora
Sheelyi yekyo nkeamba nkwiiyo kindo-fo”
Currently Selected:
YOBU 24: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
