VALETI 17
17
Mafwanu a Mika
1Kyeeri ekyi mmbo kweefo nndu umwi evangwaa Mika wa kulya urukeny lwa mafumbu lwa Efraimu, 2nawe kavia maye, “Fesa eto tafo kyiku na iyana tileewa, neewe kwadenga shiitye, fesa yeto lola ni yeny shilatiipoo.” Maye kaammba, “Nndumi Iruva nakuvikye mbora mwanakwa.” 3Nawe kaviirya maye fesa eto kyiku na iyana. Nawe maye kaammba, “Fesa eti mmbo shatiniingya deny tive kiraso kwa Nndumi Iruva, tuuke maakony akwa deny, na mwanaakwa nakae kipwa, nato tisongosye ifwanu lyeepasha, nkyo mmbo shatikuviirya yewe.” 4Maaye ekimmbiirya fesa eto, maaye kootany fesa mayana avii, karuuya mwiitana fesa, kasongosya ifwanu lyeepasha, na ya yuummba, tikavikwa mmba kwa Mika.
5Nawe Mika yeu mmbo eetiri mmba ya maruva a mafwanu na umwi wa vana vakwe kava nkohani wa maruva yoo. 6Kyeeri ekyi efo Israeli nkweefo mangyi-fo, wo nndu kakutannya shaasa akukunndya we muni.
7Nalyo kyeeri ekyi kukavekaa-fo nndu umwi nkoo Llevi wa mmba ya Yuda wa kulya Betlehemu ya Yuda, kakaa kundo kweny, 8Nndu yeu kooka muriny wa Betlehemu ya Yuda kanderwa ifumbu lya Efraimu kashefika mmba kwa Mika. 9Nawe Mika kammbesa. “A kukee wa kwi?” Nawe kammbia, “Mmbo shike Llevi wa Betlehemu ya Yuda, neeny mmbo shikeruuya ando koose avaa ikaa.” 10Nawe Mika kammbia, “Kukaye kwakwa mbee, kuve nde na nkohani wakwa, neeny shikutae fesa ikumi wo mwaaka, ando amwi na soori na shoonga. 11Nawe Llevi yeto kakaa kwakwe.” 12Naasa llyo Mika alerambikya nndu yeu nkoo ishora lya ukohani yelo kakaa kwakwe. 13Nalyo Mika kaammba, “Ulaalu shammanya Nndumi Iruva anshiirikya elyi shammbonisa Llevi muni nave nkohani wakwa.”
Currently Selected:
VALETI 17: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
