ISAYA 56
56
Vandu va masanga moose ni va Iruva
1Nndumi Iruva aamba, “Tireny ivavaso, mutani usumanu, mashika ukiro lwakwa lukee kufii isha, na usumanu lwakwa lusheorwa paa. 2Ngoma yeto aketana indo, na nndu yeto atira nnu; ainndya Sabato takwa nalafishe, ashiimaa woko lwakwe lulatane uravi loose.”
3Nta muny, akelatya Nndumi Iruva nalaambe indi, ni dede Nndumi Iruva anshirauwa na vandu vakwe, nta nkapendafu nalaambe, Yeny mmbo shikee nri muumu! 4Mashika ni indi Nndumi Iruva avia vakape ndafu yewo vainndya Sabato takwa, na isauwa mbony shisha na itira nnu kyaasa kyakwa, 5mmbo shivaniingaa kyeny kwakwa, na nnang'ani ya fiambaso fya mmba yakwa, ikummbwa na irina lyikee isha ngota iva na vana va kyika na va kyuumi; mmbo shivaniinga irina lyikaa llung'ani, mmbo lyilasherwaa sakyeny.
6Na veny valelatya Nndumi Iruva naambo vanndundye, na ikunda irina lya Nndumi Iruva, iva varundi wakwe, wo nndu akeindya Sabato nalairete na itira nnu kyaasa kyakwa, 7Nawo mmbo shiveende fika ifumbuny lyakwa yeele, na ivaniinga ifura efo mmba yakwa ya iterevya, firaso fyawo fyekora na muro na fyeersya mmbo fishiirikywaa efo meseny akwa; mashika mmba yakwa ivaangwa mmba ya iterevya mmasanga moose. 8Iruva we Nndumi Iruva asanyiryaa yewo waleantwa kunu Israeli ni indo aamba, Ando amwi na indo shisanyiryaa na vengyi mmwasi ya yewo wakwe valesanyirywa.
Vasongoru va Israeli vautyo uvingo
9Yeni mafisi moose a kasa, oshony,
Lyeny yeni mafisi a ngoroshony.
10Varingyi woose ni vafu miso, woose-da mmbatiri urango-fo, mfite filashoraa mmbashidimaa yoora-fo, woryaa moorya, vakalala vakakunda rwe. 11Ee, fite efyo nkififi-deny, mmbauraa-ufo neewo ni weesi valashidimaa imanya irero, woose vammalashika vakawa taari ingyi, vakalatya shia tawo veni, wo umwi na mbusha yakwe, uka taari toose. 12Mmbo vakeyaamba:
Osho, nshendee mfinyu;
luni lunangwa-deny,
na ndesi kiwe sha inu,
uwe nkonu wa ifura mmwasi-deny.
Currently Selected:
ISAYA 56: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.