ISAYA 55
55
Ulyilyi lwa Iruva
1“Naasany, wo nndu atirwa nnyura nashe mureny
na yeto alatiri fesa, oshony muure mulye,
Ee, oshony muure mfinyu na malela,
kulaore kwiifo fesa nta wuuru.
2Nkimaruma-kyi iniingya fesa
kindo kilakee shoonga?
Na umasi lwany na kyindo kilaurisaa?
Shaarannyiny nisha,
mulye kyindo kisha,
mirima yaany ifurye findo fivandye.
3Laluteny maarwi any, na ishisheya;
aranyiny na mirima yaany ikye,
na yeny shivikaa kyaasa kilung;ani na yeni,
ee isarya lya Davidi lyiwangye.
4Loleny shammuvika nawe nkureekyi masangeny a vandu; nawe nsongoru na nniini wa fira masangeny a vandu. 5Lola, kuvaanga isanga kulalyiishi, na isanga lyikwiishi yewe lyikuvingyaa yewe, kimaruma kya Nndumi Iruva wafo, we Iruva na kimaruma kya mweele wa Israeli, mashika ankwitikisa.”
6Ruuyeny Nndumi Iruva mashika asheonikaa,
mmbaangeny mashika akee kufii
7Nndu nkasha nare shia yakwe,
Na nndu nalakee wa usumanu nare makusaro akwe;
nawuyye Nndumi Iruva, nawe allyillye,
nashe kwa Iruva weeru, nawe ansaryaa-deny.
8Mashika makusaro akwa nshi makusaro any-fo, nta shia tany nshi shia takwa-fo, ni Nndumi Iruva aamba. 9Mashika shaasa ngina ikee uwe-deny ngota ulana ni indo-da shia takwa tikee uwe-deny, na makusaro akwa ngota makusaro any. 10Mashika shaasa mmbwa ikeoloka, na laura yuuka iruve-u, nta kulaore ikewuya-fo; indi ikanisa sumbai na imiisa findo, ikaniinga nndu mbeu navaaye na nndu nalye, shoonga 11ni indo irero lyakwa lyivaa, lyooka kaniny kyakwa; nlyiwuyaa ruu-fo, indi lyishiinutyaa nsia wakwa, nalyo mmbo lyivesywaa findony fyoose filya shilelyiruma.
12Mashika musomukaa mwifuraa;
mmteterwa na urilalyi
Mbee yaany mmbo mushiimbywaa fiimbo, mmafumbu na fidooro
na miri myoose ya mamungony ishoona.
13Ando a miinga kumyaa msonobari,
Ando a mbikiri kuwe-u mhadesi.
Mbony yei mmbo ivaa indo,
irina lya Nndumi Iruva lyirumishwa,
mmbo luvaa wende lwa llung'anu lulavaa ira.
Currently Selected:
ISAYA 55: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.