ISAYA 50
50
1Nndumi Iruva aamba indi, “Kwakooya mmbo shilakannye na mau Yerusalemu-le; nkwi akai mareiyo yoo alelulakanisa? Ao ndesa mmbo shilevakumba sha nndu mwiikumba vana vakwe ushingeny? Yeni mmbo mwekumbwa kimaruma kya makasha any, na maaye waany karewa kimaruma kya uravi lwany. 2A niinda llya shilesha kulaore kweiyo nndu? Llya shilevaanga kulaore kwiifo nndu alerouwa? A ndesa woko lwakwa mmbo lukee ufii shilemwa ikira? Ao ndesa nshilatiri finya shiidime imwauwo? Lolate, shakyeemya mmbo yeeve na mira fyaumya na iva ando koomu pony. Makunga a vayo akaraa, kimmba kuleefo mura numa akafwa kimaruma kya nyura. 3Ni yeny shavika ngina shuu na itisikya na makunnya.”
Wiindi lwa nndundi wa Nndumi Iruva
4Nndumi Iruva anshiniinga ulumi lwa veelosha naambo yeny shiidime irera kya ivaviirya muu yewo vaaraye. Kashaanta wo nkonu ngama, kashideesya yaarannya sha va kiloshyony kyakwe. 5Nndumi Iruva antambarwa marwi akwa nta nshilelema nta iwuya numafo. 6Nshileindutya mungo valya verye ishikaba na ngushu valya valeillwa nguyo takwa, nta nshilesuruma kisangu kyakwa naambo kilasutwa na yeeselwa minyiiri-fo.
7Kimmba Nndumi Iruva wakwa ashesheekyaa, nkyo kyaende shasisirya nta nshishesukaa-fo. 8Mwiishifurukannya mmbo akee kufii neeny, a mmbi ashekwiinanisaa neeny? Osho kusalale yoo ando a yaanduya myaandu kyimwi, a mmbovi atiri kindo akee ishivesa? Nashe lukwaanannyi. 9Lolate, Nndumi Iruva ashesheekyaa, a mmbovi asheshuutyaa uvingo? Lola yewo woose vashevaa sha soori shikuu, yalyiwa nkuru-kuru. 10A mmbovi nnang'ani yaany aereyye na ikusirya Nndumi Iruva na yaarannya unyanga lwakwe? Yeto aira efo ireeminy, nta kulaifo sa kya indi kakusirya Nndumi Iruva wakwe.
11Lookeny eni moose, mwaata muro na ikufumbira. Mukamikyo nsa ya muro wany na iira nnang'ani a muro yeto. Mushewonisaa ngapo tuuka kwakwa, mushelalaa mwikunarye.
Currently Selected:
ISAYA 50: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.