ISAYA 31
31
Iruva asheringaa Yerusalemu
1Woshiny lwawo valya veendaa Misri itereva-fo weekyi; woshiny lwawo valya vakusirye frasi, vakakusara makari awo a fira na finya ta vasikari vesaama frasi, valakusurye mweele wa Israeli, nta valaterevaa makusaro kwa Nndumi Iruva! 2Iruva atiri urango mmbwe eende uraato, kindo anrummbwa nkyaalashikaa-fo, ngapo ta vandu veesi na valya woose vakee taari yaawo ni kwakwe tuukaa, 3Vamisri ni vandu nshi maruva-fo, frasi tawo ni findo nshi mimuyo-fo. Nndumi Iruva koorrwa woko lwakwe valya vakeveekya mmbo vakapa urende na valya vakeyeekywa mmbo vawaa-si. Woose vavii mmbo vamamikaa.
4Nndumi Iruva mmbo eshivia, “Sheelyi miiso ao mwana wa miiso arundumaa eekapannyaa mireiyo yakwe naakwa vasha veesi vafye inda ishekapana nawe, nnyashereswaa ni fyoorongye fyawo-fo, nta yaawukwa-fo. Niindo Nndumi Iruva wa matorito ashoolokaa; ishekapana uwe ya ifumbu lya Sioni na kidooro kyavayo. 5Ngata ndeye irumbukaa uwe ya fifuri fyavayo niindo Nndumi Iruva asheringa Yerusalemu mmbo autauwoo neeuringa.”
6Nndumi Iruva aamba: “Yeni vandu va Israeli, mmbo mulenshilyamarya neeshikapa mungo. Indi ulaalu shiwiiyeny mukasha kwakwa. 7Ukeesha nkonu musheerya kwaasha mafwanu alya any a fesa na saabu mwekusongosikya kwa maako any fikamuteere mukalyamara.
8Vaashuru vashewaawa na usu lyo nshi kwa finya ya vandu-fo. Vaashuru mmbo vasherishaa fira na vana vawo vashetirwa mifungwa 9Mangyi yaawo mmbo asherishaa kwa weerei na vasongoru vawo vashelekeiyaa bendera yaawo kwa weerei. Nndumi Iruva munifinya mmbwe eto muro wakwe ukee muriny Sioni na iriko lyakwe ni muriny Yerusalemu lyikai.”
Currently Selected:
ISAYA 31: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
