ISAYA 32

Mangyi nrilalyi

1Kushesha mangyi asheshillya kwa urilalyi na vasongoru vakwe vashetetera vandu kwa usumanu. 2Wo umwi mmbo kushevaa sha ando kweyoovya uraato, ando kweekusuruma kyeeri kya kivivita kya uraato, kusheva sha ngyusoka ta mura kundo kuumu. Sha iwe iniini lyikwallye-si efo kasa koomu. 3Miso awo mmbo alollyaa na maarwi mmbo ashiitaa mbony ta vandu. 4Mmbo vasherundaa mashora awo kwa waantu na valya veererya vandu mmbo vasherummbwa kya usumanu.

5Varung'ani mmbakivaangwa lyingyi varango-fo, nta vandu veekaba ngula ni vandu va tokyi-fo. 6Varung'ani mmbo varera urung'ani, makusaro awo nnya itana makasha, mirunndye yaawo mmikasha na yiinyala Nndumi Iruva. Iveema shoonga vatirwa nshaa na vatirwa nyura iveema mura weena. 7Nndu nrung'ani mmbo atanaa fya urung'ani na itana makasha. Kavika kyama kya wongo kyeiima vakyiva usumanu lwawo. 8Vandu varilalyi mmbo vatanaa fya urilalyi na itannya vandu mesha.

Miloshyo kwa vaka va Yerusalemu

9Kwiipony mushaarannye yeni vaka mulasarye kindo, shaarannyiny yekyo shiifo shimuvyaa, yeni vefu va vandu muuti. 10Ando a mwaaka umwi indi, mmbo mupooka isavaa yeni mukee ibira ulaalu mashika fimu fya yuulula na fimu fya sabibu mmbo firumakaa. 11Rereminy kwa weerei yeni mukee rembo, mulakeesara, rereminy kwa weerei yeni mukee ifureny! Kwaammbweny soori tany mukee mbereto, mukufinngye makunnya fisiny fyany. 12Kakapeny mbafu kwa ting'wa kapeny kiiyo kyimaruma kya bustani tilya teekevika kisha nnu. 13Kya minda ya vandu vakwa isheemyaa meera na miraambo yeeda uwe ya mmba ta ifura nnang'ani ya muri utiri ifura na mindoro. 14Muri weetiri vandu veengyi mmbo ushevaa sama. Ifumbuu na nnara wa uringyi ni mafisi ashekaa-fo llung'anu, kusheva ifura lya mishungu ya ngoroshony, na ureny kundo kweiisa moonri. 15Kutani Iruva ashelubusuyaa mumuyo wuuka uwe. Kupookya yoondo, kasa koomu kashewuya iva nnda mbiiri na marema a uteeri usha ashewuyaa iva nsito. 16Llo uleti mmbo lushekaa urukeny lweeke kasa koomu, urilalyi na usumanu lushekaa lusheshillya nnda mmbiiri uvika ndunda shiingyi. 17Ishora lya usumanu mmbo lishevaa lya unapwe na ndunda ta vayo lisheva ni urilalyi na nsia wa llung'anu.

18Vandu vakwa mmbo vashekaa irembony lya unapwe kundo vakaa kippwa. 19(Ngorosho mmbo irumakaa deny na muri wawo umamitwa.) 20Ngoma ni yaany elyi muvaaya mbeu tany mmbai ya mura, ng'umbe na mishungu yaany tikulyiiya ndesa takunda.

Currently Selected:

ISAYA 32: MAS2

Highlight

Copy

Compare