HOSEA 6

Ikuria lya vandu

1Vandu vakaamba, “Sye luwuiye Nndumi Iruva! We mmbo alelurandwa lyo ashelufumaa lyingi. Kalupushwa, lyo ashelufingaa fishavere fyeeru. 2Ando a mikonu ivii nsi mmbo ashelurutaa, nkonu wa kararu nalusaleese lweengere ikaa nawe. 3Nyira lumanyi Nndumi Iruva. Nawe nkuti nalusheye elyi kwakya, nalusheye sha mmbwa ya mateeeri.” 4Lyo Nndumi Iruva kaamba, Ewe Israeli na Yuda, a shitani inda kyany? Ikunda lyany kwakwa mmbo lyavivika uviny sha laura ya ngama, ao sha ituu. 5Nkyo kiteve shamurummya vakisuku vakwa vamweengye nrumi yakwa yeemukapa neemumamita. Ekyo nkeruuya kwany mmbo kilollyo paa. 6Ekyo shikundye ni ikunda na imanya Iruva ngota yeende firaso.

7Lyo kyeeri valefika kulya urukeny, mmbo valetana sha Adamu vakafisha kyaasa, vakashitannya findo filavaa yaamba, fya kiila. 8Gileadi muri wa varavi na veewaa. 9Vakohani vawo mmbo vavakye ironda lya vasoki valaaya vandu vashiraa shia. Naakwa nkyeeri vakee shia veshendaa Shekemu mmbo vatana fya uwaii. 10Nkindo kiravi mu shilollye kunu Israeli: vandu vakwa ikutefusa wo veni na maruva a wongo. 11Neewe Yuda mmbo shambika nkonu wekukapa kya efyo kutannyi.

Currently Selected:

HOSEA 6: MAS2

Highlight

Compare

Copy