HOSEA 5

1Aranyiny-te eni Vakohani, neeni vandu va Israeli marukyeny, Eni va mmba ya kimangyi, aranyiny. Rumbuyeny vandu fya usumanu naambo mulesheyuutywa uvingo! Mmbo mwava nsoori yoo Mizpa nreiyo efo Tabori. 2Kulya muri wa Acacia mukaengera ilyamara neeny mmbo nshemukabaa. 3Eni Israeli shimwiishi mmutiri ando mukusurumaa-fo. Mmbo valeshira na vandu vakwe mmbava ishiindya-fo.

Hosea Akangaya Utuusi

4Mitanyi yaawo nnyivalotora waruuye Iruva waawo-fo, mashika utuusi llukee ngoony tawo, nta mbeeshi Nndumi Iruva-fo. 5Ikurosa lyakwe mmbo lyilollyo paa. Nkyo Israeli na Efraimu nkuti vawe kyeendwa ni uravi lwawo. 6Mmbo vashipoo ng'umbe tawo na suva indeutya Nndumi Iruva firaso, lyo nkivekyaa-fo. Mashika Nndumi Iruva alemmaa ivara, mmballollyaa-fo. 7Valenra Nndumi Iruva nta vana vawo mmbakee nawe-fo. Wo ulaalu na uruka lwawo mmbo vashelyamarwaa.

Fira nnang'ani ya Yuda na Israeli

8Kabeny iranda lya fira kulya Gibea! Muvekaba wombe kulya Rama! Ongoreny kya fira efo Bethaven! Vandu va Benyamen, endeny fireny. 9Nkonu wa urumato ekau wansha, Israeli namamitwa. Vandu va Israeli eki nkuti kimusheye! 10Fisongoru va Yuda mmbo valesembera nnyanu na iiboo uruka lwa Israeli. Nkyo nshevapusuya unyafi lwako sha mmbwa. 11Israeli mmbo akee mfote kavavywa. Kareta uruka lwekee usumanu lwakwe mashika nawe mmbo alenderuuya ngarami ando ilaiyoo. 12Mmbo nsherumataa Israeli na Yuda shiimamite. 13Kyeeri Israeli alelollya ndwari yakwe muni na Yuda kalollya fishavere fyakwe muni. Israeli keenda Siaria lukee uruka lutiri finya nanderuuyafo ngarami, lyo nalaoni-fo mwishiisa fishavere fyakwe-fo. 14Mmbo nshesheya Israeli na Yuda sha miiso. Shivarandwe-randwe fyenga fyenga shivaserye yoo. Shiivarufwaa na si nkwiifo nndu ashidimaa iveekya-fo. 15Mmbo shivaraa indo valye ukiva kimaruma kya ulyamari lwawo kutani elyi vasheshiruyaa. Kulakooye vakambavyo nnu vashirishyaa vashikooye.

Currently Selected:

HOSEA 5: MAS2

Highlight

Compare

Copy