VAEBRANIA 3
3
Yesu mmbo ailannyi Mose
1Naasany, vanavama veele, mukee vaakanise uvaango lwa iruveeu, kusareny nnu kya Nrumi na Nkohani Nniini wa kyikusiryo kyeru, we Yesu. 2Yeto aleindya yeto mwinruma, shaasa na Mose ekai, kulya mmba koose kwa Iruva. 3Mashika we mmbo akee nninge itumbe mmwasi ngota Mose, kimwi sha nndu mwisongosya mmba awona nnduma ngota mmba yeyo. 4Mashika wo mmba mmbo ikeeshisongosye ni nndu; kyaindi yeto mwisongosya findo fyoose ni Iruva muni. 5Na Mose dede lyo mmbo aleinndya fyoose kulya mmba ya Iruva, ekee mwifurukannya-u; nave nkureekyi wa findo fyoose fishererwaa numa; 6lyo we Kristo, akee mwana, mwikallya mmba ya Iruva, yeto mmba yakwe ikee nnyo yese, lyo kwakooya luwaranaa nnu na ukaari lweru na itumbe lya ivereya lyeru fika mafurumyony.
Kiimuyo kya Vandu va Iruva
7Naasany shaasa Mumuyo Mweele arera,
“Inu yeni kwakooya mwaita unyanga lwakwe.
8Mulasheumisa mirima yaany,
sha kyeeri kya yeende unyafi
sha nkonu wa kyeeso kulya kasa.
9Llya vande valya vany valesheesa, vakashiisa,
vakalollya mitannyi yakwa ando a myaaka makumi aana.
10Nkyo sharooyo ni unyafi
kimaruma kya irika elyi, shaamba,
‘Kyeeri kyoose mirima ya vandu yeva mmbo yeevekye,
mmbalemanya shia takwa-fo.’
11Kimaruma kya unyafi lwakwa shalya mboo,
‘Mmbashangaa ifureny lyakwa-fo.’”
12Kyasia, loleny vanavama vakwa, nnang'ani yaany kulashekaa-fo nrima muumu ulatiri kikusiryo; kimaruma kya ikurauwa na Iruva yeu akee na muu. 13Naasa kwiikyimbiny nkonu simu, naambo kulave-fo nta umwi waany ava muumu elembwaa nnyulyamari. 14Mashika mmbo lwammba veakana ando amwi na Kristo, kwankooya lwavandama na ukaari lweru lwa finya uka mbee fika mafurumyony;
15shaasa kyaambawa,
Inu yeni kwakooya mwaita unyanga lwakwe
mulasheumisa mirima yaany
sha kyeeri kya yeende unyafi.
16Mashika ni vakyi valeende unyafi kyeeri valeita? Nshi woose-se valya valeuka Misri veeteterwaa ni Mose? 17A-ndesa ni vakyi alerooywa ni unyafi kimaruma kyawo ando a myaaka makumi aana? Nshi valya valelyamara, minying'a yaawo ikawa kulya kasa? 18A ndesa ni vakyi valevalyiiya mboo sheelyi mbashangaa ifureny lyakwe, kulaore ni valya valelyang'aa? 19Naasany mmbo lwakooya sheelyi mbaleidima yaanga ifureny-fo, kimaruma ira valakusirya-u.
Currently Selected:
VAEBRANIA 3: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
