VAEBRANIA 2
2
Ukiro uniini
1Kyasiany mmbo kilukooye ilola nnu efyo fileitiwa naambo lulasheefitura. 2Mashika kwankooya irero llya lyilererwa ni nsu lyekee iniini, na wo urekwa na uravi lukawonisa weesi lwa usumanu, 3a yese mmbo lusheturunyaa inda, lukanra lulasara ukiro elu uniini indi? Nalo Nndumi alerera kya vayo mapookyony, numa lukakoora kweru paa kyuuka kwa valya valeita. 4Iruva nawe evikaa ukureekyi ando amwi nawo na ngyende na findo filandelollyo na finya ta ngata shiingyi, na yaavyo Mumuyo Mweele, shaasa alekukundya we muni.
Nsongoru wa Ilufita Ukirony
5Mashika ulana llwa lukeesha lukeerera mbony ta vayo nnyaleluvika si ya vasu-fo, mashika kwiifo nndu umwi alekureeka kya vayo kaamba,
6A-nndu wa vandu nkyokyi kutani kwankumbwa,
ao mwana wa nndu, kutani kwallola?
7Mmbo kulemuummba nave n-du deny ngota nsu
kwammbika ureto lwa itumbe na wiindi
kwammbika uwe ya mashora a maako afo.
8Mmbo kuvikye findo fyoose yoo si ya uvayo lwakwe. Mashika elyi kulevika findo fyoose si yakwe nnyalera-fo kindo nta kimwi kilakee si yakwe-fo. Kyaindi lyo llwalelollya findo fyoose fivikwa-si yakwe-fo, 9lyo yeto aletanwa n-du deny ngota vasu lullollye, mmbwe Yesu, mashika a ivavyo fika ufu, kavikwa ureto lwa itumbe na nnduma, naambo kyeendwa ni isarya lya Iruva na shoshe ufu kimaruma kya vandu woose. 10Mashika yeto kyeendwa mmbwe na kwa kimaruma kyakwe findo fyoose fiiyo, mmbo kyilenkooya nawoni vana veengyi vafikye itumbe, na yaawutya yeto nniini mweende ukiro na shia ya makiva. 11Mashika yeto mwiilyisa na yewo veilyiswa, woose nkwa umwi vammyi. Kimmba kya ekyo nnyalollye sony ivavaanga vanavamaye-fo; 12llya aamba,
Mmbo nshevambisaa irina lyafo kwa vanavama.
Efo mmba ya Iruva nshekwiimbyaa kyeerumisha,
13Na lyingyi,
Mmbwe yeto nshemmbikaa nsia.
Na lyingyise,
Lola, yeny shikee yaa na vana yewo
Iruva aleshivaniinga.
14Naasany, kyimmba vana valeakaniswa samu na mwiili, nawe ni indo-da aleveakana efyo fyeni, naambo kyeendwa ni shia yeyo ya ufu narumate yeto atiri finya ta ufu, we Nkumbi, 15naambo naleke yewo woose muu wao wekee ushingeny kimaruma kya weerei lwa ufu. 16Mashika lyo n-dede, nnyatiri ngata ya vasu-fo, mmbo aleipoo ngata ya ngyeeri ya Abrahamu. 17Nkyo kavakaniswa na vanavamaye kya findo fyoose, naambo nave nkohani nniini araiye ilyillya, akutiri na ngata ya Iruva, naambo naleke vandu vakwe kya ngyulyamari tawo. 18Na kimmba we muni alelyiswa ukiva esheeswaa, mmbo ashidimaa yeekya yewo vakeeyeeswa.
Currently Selected:
VAEBRANIA 2: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
