HABAKUKI 1
1
1Elyi llyo irero lya Iruva alesukuyo Habakuki.
Habakuki Afulukkyo kya Uravi
2A Nndumi Iruva, shiiye fika indii kulasharannyaa-dwa? Mmbo nkukufuuya kyeendwa ni uravi lwa vandu vakwa lyo kulalutarami. 3Elyi kwashoora uravi, na uumu lwa mirima? Mashika urumato na uravi nyoo misony akwa fikai: myaandu na fiwakyanu fyavayo. 4Nkwifoo nsumanu-fo kimmba sharia ileefo. Vandu vakasha mmbo vakeshingillya valya va usumanu. Kimmba ni indo myaandu ikarumbuwa kifuri.
Nndumi Iruva Arouwa Habakuki
5Naasa Nndumi Iruva kavia vandu vakwe, “Sengetyeny mulole vandu yewo vamuringitye-te, mufulukyo.” Mmbo nshetanaa kindo kya yaawuta. 6Mmbo nshendee Vababeli, nawo mmbo vatiri finya vakaveva vandu vasavaa. Nawo mmbo valangye ikwaana masangeny vashillye-fo. 7Mmbo veeresye vakalollya wo veni mmbo vamaye deny.
8Frasi tawo mmbo tirishaa ngota nyamandu tikanyaasya ngota ngare. Vesaama frasi vawo mmbo vafikaa kwaasha verumbukaa sha uviri vekurosaa.
9Itorito vawo mmbo veenda na finya naambo vavinge, na wo nndu avalollya karerema. Mmbo vatira mifungwa veengi sha nsanga. 10Mmbo vainyala vamangyi neemina vaniini va vandu. Nkwiifo turuve ivasiikaa-fo nkuti vaiwunndwe. 11“Mmbo vavivita sha uraato na finya yaawo nnyo iruva lyawo.”
Habakuki Afuuya Nndumi Iruva lyingyi
12Woi Nndumi Iruva yewe ni Iruva, uka elyo mbee shushi yewe ni Iruva wakwa, kukee mweele wa llung'anu. Nndumi Iruva wakwa na nringi wakwa. Mmbo kwavaanga Vababeli kwavaniinga finya naambo valukabe. 13A mmbo kushiidimaa inda isisirya vetanaa makasha, nawo vakee vakasha indo? Miso afo yewe Iruva ni meele nnyasisiryaa ilola efyo-fo. A nkyiki kumalallye kwilolaa velyamaraa vandu vakee ng'waana ngota wo veni? 14A mmbo kushallwa indi vandu vave sha makunga efo mureny or sha nkuka wa saafu tilatiri nshilyi? 15Vababeli mmbo vawara vandu na ngorori sheelyi vatiraa makunga. Vakamaa awara vakakapa kilewa vefuraa. 16Vakooka-fo vakeendya mireiyo yeyo yaawo vakayuutya firaso, mashika elyi valollye mireiyo yeyovantira fiingyi fikavawuutisa. 17A mmbo vashengeraa irunda na ngyusu tawo vamamite masanga na unyaasi indo?
Currently Selected:
HABAKUKI 1: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
