ESEKIELI 15
15
Kyaaso kya Nsabibu
1Irero lya Nndumi Iruva lyikashisheya lyishaamba: 2“Yewe mwana wa nndu, mmbo kushiidimika inda, ukwi lwa nsabibu lwiilannyi ukwi, lwa iramba lya nsabibu lyikee yefo nnang'ani ya miri ya nturu? 3Ukwi lwa vayo lushiidimaa itana kindo kyoose? A vandu wootaa-u kivambo kyevanikau kindo kyoose? 4Oode, yekyo nkyeyaata muro-nsi; na mafurumyony kyikava ifu, mmbo kitiri mashora-ki mmwasi? 5Arannyante, llya kulaore kyankorwa murony, nkyetiri mashora-fo, a nshe ruu deny elyi kyammaa ivikwa murony na yaaluka ifu? Nkyitiri mbusha shoose-fo.”
6Kweekyo Nndumi Iruva mmbo aamba: “Ngata ilya ya ukwi lwa nsabibu nnang'ani ya miri ya nturu, ulya shileweera murony ukaata muro, ni indo shishetannyaa yewo va Yerusalemu. 7Yeny nshekapanaa nawo, valya vashaashuka murony ni kuti vamamitwa mmuro, llyo kumanyaa sheelyi yeny mmbwe Nndumi Iruva, kyeeri yekyo vashewoywaa ni ngapo yakwa. 8Mmbo shishaallwa uruka lwawo luve ukiva, kimaruma kya ngaa yaawo shikasha ya iimmbwa kyikusiryo kyakwa, ni yeny Nndumi Iruva shaamba.”
Currently Selected:
ESEKIELI 15: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
