NKUMBUYE WA UVAVASO 33
33
Mose Avikya Israeli Mbora
1Na yei nnyo fwaa ya mbora ya nndu eto wa Iruva Mose alevikya vana va Israeli kulore amfwa, 2Nndumi Iruva mmbo alelollyo alya Sinai, kakoora nawo alya Seiri
Kavaa sha mwi alya ifumbuny lya Paran
Kasha na fiku fya vasu,
na muro ushaakaa wokony lwakwe.
3Ni dede akunndye vandu vakwe
Veele woose mmbo vakee maakony akwe
Vakakaa marendeny afo,
Wo umwi ashearannyaa marero afo
4Mose aleluvya lwiindye uvavaso, nnyo ding'u ya vana va Yakobo
5Kavaka mangyi ya Yeshuruni
Kyeeri ngyufyari toose ta Israeli tilesannyiryo.
6Ruben nakae na muu llyo vandu vakwe vakee vaangu,
7Na kya Yuda, woi Nndumi Iruva vaarannye unyanga lwawo,
Natire finya vanduny vakwe, nave ngarami shisha fireny.
8Na kya Levi kaamba,
Niinga Levi Thumimu yafo,
na Urimu lwafo eto wafo wa kimangyi
eto kulemweesa kulya Masa alekweesa na Urim na
Tumimu alya Masa
Yeto kulewakyana nawe alya mureny wa Meriba.
9Yeto alesenda ndeye na maye, lyo shilallollye,
Nta vana va maye nalavairikye
Mmbo aleirikya kilya kuleamba, kavetira kyaasa kyafo,
10Mmbo valoshaa Yakobo usumanu lwa Iruva
Na Israeli vamanyi uvavaso lwafo
11Woi Nndumi Iruva, mmbikye mbora findony fyakwe,
Kuringe mashora a maako akwe
Na vakiduva vakwe kuvarengwe
Neewo vansuuye valakisalale-fo.
12Kya Benyaminy kaamba,
Nkunde wa Nndumi Iruva mmbo akukaya kipwa kwakwe,
Kimmba ansikye kyeeri kyoose kakaa maakony akwe.
13Na kya Yosefu kaamba,
Nndumi Iruva navikye uruka lwakwe mbora
Laura ya mbora yuuke iruveeu
Na mbora iveuka efo si
14Na mbora ya ndunda, na ya fimu
15Na ya findo fisauwe fya kasha na fya llung'anu.
16Na mbora ya findo fya uruka
Na iwaryo lyakwe alya ngoroshon ilya yaaka muro,
Isheye yewo vakee va Yosefu, ilollyo yoo uwe ya nrwe.
17Umangyi ni lwa mwana wakwe mmbee
mbembe takwe tive sha ta mboo
Nakuni nato vandu va masanga, veende kwaasha,
Ni fiku makumi fya Efraimu, mfiku fya Manase.
18Na kya Sabulon kaamba,
Ewe Sabulon kyesa, elyi kwiifo kusomukaa
Nawe Iskari kiwo
19Mmbo mushevaanga vandu va masanga vamusheye
vasange yuuta firaso fya usumanu,
Mashika vasheonaa mbusha efo yeeveny,
Neefyo fyoose fiwonikaa efo nsangeny wa yeeve.
20Na kya Gadi kaamba, yeto akundya Gadi mesha navikyo
mbora mashika mmbo avakye miiso ya kyika
Kimmba atiri finya sha yo.
21Kasauwau waavi lwakwe usha
Mfo waavi lwa muni usumanu lukai
Kasha ando amwi na vasongoru va vandu.
22Na Dani kaamba;
“Dani mmwana wa miiso,
akillya ooka Bashani.”
23Na kya Naftalyi kaamba;
“Woo Naftalyi, kuwuurye ilyillywa na yiishikwa;
simbo ta Nndumi Iruva tira Iruva na taari ya sinde.”
24Na kya Aseri kaamba;
“Simbo vana na ngota vana woose va Yakobo;
nakundo mmbana vamaye woose
noolote urende lwakwe mafureny.”
25Mitaato yafo ivaa na minya na arera;
na wiingyi lwa mikonu yafo llushevaa llo finya yafo.
26“Woo Yeshuruny, nkukaa-fo akee sha Iruva fi,
yeto eeraa ngyiniu ishekutarama,
na mafishiny na itumbeny lyakwe.
27Iruva va llung'anu mmaako afo ni kyeny kwafo kweekaa,
na kwaanu ya wayo kuyywa ukiro lwa llung'anu.
Nnyaumbuta vakiduva kwaasha neewe, kaamba, ‘Mamita.’
28Kweekyo Israeli kasinda na urilalyi,
usoka lwa Yakobo muni,
urukeny lwa soko na mfinyu;
ee, ngyina takwe tikadonisya laura.
29Woo Israeli kutiri ifura!
A mmbi sha yewe, vandu vakire ni Nndumi Iruva,
ngao weekyi lwafo na usu lwa wiikyimbi lwafo.”
Currently Selected:
NKUMBUYE WA UVAVASO 33: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
