NKUMBUYE WA UVAVASO 34
34
Ufu lwa Mose
1Naasa Mose kasaama ooka imungony lya Moabu karooya ifumbuny lya Nebo, kasaama urorony lwa Pisga taari ya Yeriko. Nndumi Iruva kamoora uruka loose lwa Gileadi kufika Dani, 2na lwa Naftali loose, na uruka lwa Naftali na Manase, na uruka lwa Yuda, kundefika yeeveny taari ya nkwaany; 3na Negebu na imungo lya Yeriko, mmuri wa myaangashi, fika Soari. 4Naasa Nndumi Iruva kavia Mose, Lola, yelu llo uruka llwa shileniinga Abrahamu na Isaki na Yakobo, llya shilemmbia, Uruka yelu mmbo nsheningaa ufyari lwafo. Kyasia ulaalu mmbo shakoora kululole na miso, lyo nkushefikaa-fo-fo. 5Naasa Mose nndundi wa Nndumi Iruva kafiiya-fo, mfo urukeny lwa Moabu, shaasa Nndumi Iruva alemmbia. 6Nawe Nndumi Iruva kandika, efo Moabu, kasaama na Bet-peori, lyo nkwiifo nndu eeshi kifu kyakwe-fo 7Nawe Mose mmbo etiri myaaka iyana na makumi avii kyeeri alefwa, lyo miso akwe nnyalefwa-fo, nta mwiili wakwe uve mfwafwa-fo. 8Vana va Israeli vakakapa kiiyo ando a mikonu makumi araru alya imungony lya Moabu, vakakupoo rembo. 9Nawe Yosua wa Nuni katira nrima wa urango mashika Mose mmbo alemweekerya maako akwe, nawo vana va Israeli vakamwirikya neetana shaasa Nndumi Iruva, alevavasya Mose. 10Nta kunu Israeli koose nkulekupoo-fo nkisuku avakye Mose-fo, mashika we Nndumi Iruva mmbo alerera nawe eellollye kisangu. 11Findo fyoose na ngyende toose yeto Nndumi Iruva, alemoora natani kulya Misri kwa mangyi Farao na vandu vakwe, na uruka lwakwe loose. 12Koora woko lwakwe lwa finya, na wiidimi uniini aleidimisya Mose itana na vana va Israeli woose vakalollya.
Currently Selected:
NKUMBUYE WA UVAVASO 34: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
