NKUMBUYE WA UVAVASO 25

1Kwakooya vandu vavii vatiri mwaandu nato ukeenda kwa veerummbwa ulya wa usumanu naniingwa, na ulya weekapwa nakapwa. 2Na ulya akapwaa naarwa si nafiikye kisangu si, nakapwa mbiiri kiinani na uravi lwakwe. 3Nakapwa mbiiri makumi aana, lyo tilailannye-fo, naambo nalasheesuka nnu yoo vanduny yewo vaiyo.

4Kyeeri ng'umbe tikeesisa nganu tilafingwa kana-fo.

Usumanu Lwa Mwanamaye wa Nndu

5Kwakooya vana va nka vakee ando amwi yeto umwi afwa nalareu mwana, nka yeto arewau nalaorwa ni nndu ungyi-fo kuuta mwanamaye yeto naambo nambonisye muyading'u 6Na mwana mbee yeto awonikaa navaangwa irina lya yeto alefwa, naambo irina lyakwe lyilareke kunu Israeli. 7Na kwakooya nndu yeto alema irwaa nka yeu wa mwanamaye, nka yeu nasore vamiku navavie indi, Mwanamaye wa mmi wakwa mmbo alema ishirwaa nawonisye mwanamaye irina kunu Israeli, nnyakunndye ishitannya yekyo kisumanyi mwanamaye wa nndu-fo. 8Naasan na vamiku va muri vakwe vammbaange varere nawe, nawe kwakooya eengera ilema, 9llyo nka yeto nasembeye mbee ya nndu yeto yoo mbee ya vamiku yewo namuute kyaaru kimwi, nammishye maare efo kisanguny nambie, Nndu alema isaleesa mmba ya mwanamaye natannyo indo. 10Llyo irina lyakwe lyishevaa, “Mmba ya muutwa kyaaru kunu Israeli.”

Uramba Lungyi

11Elyi womi vavii veefo vakapanaa, na nka wa umwi waawo kasha ivaleta lyo katira nndumi yeto ungyi efo kwasi. 12Rummbwa woko lwa nka yeto, kulansarye-fo.

13Elyi kwiifo kukumbaa findo kulatire mawe a ngata shiingyi, niini na shidu. 14Kulalembe-fo. 15Nkuti kutire iwe lyimwi nsi llyo kyeeso kya usumanu, naambo kuwoni suku shiingyi yaa urukeny kwaniingwa ni Nndumi Iruva, Iruva wafo. 16Mashika yewo veetana filasennyi Nndumi Iruva mmbo vamweengye unyafi.

Wiikimbi lwa Iwaa Vaamaleki

17Kummbwa shaasa Vaamalekyi valemutannya mwiishuukaa Misri. 18Shaasa valekapa vandu vafo vafwafwa llya vemmaariswa nkyaro vakarewa, nta valairyee Iruva. 19Naasany elyi Nndumi Iruva wafo ashekwiimurisaa urukeny yelo, vakiduva vafo mmbo yewo ngota vandu vengyi, vamamite deny, nta kularekyo ekyo?

Currently Selected:

NKUMBUYE WA UVAVASO 25: MAS2

Highlight

Compare

Copy