NKUMBUYE WA UVAVASO 23

Vandu Valatiri Usumanu

1Nndu akee nkape ndafu ao arumbukye kimaama nalasasange na isasanga lya vandu va Nndumi Iruva-fo. 2Mwana nalatiri ndeye nawe nta nalasange na vandu va Nndumi Iruva-fo, kufike irika lya ikumi nalasange na vandu va Nndumi Iruva-fo.

3Mwamoni na Mmoabi valasange na vandu va Nndumi Iruva-fo na kukafika irika lya ikumi, na fika llung'anu, 4mashika kyeeri muleuka Misri mmbalemuwarya vamuniinge shoonga ao mura-fo mmbo valevika Balaamu mwana wa Beori wa Bethori ya Mesopotamia naambo nashemulyisya mboo. 5Llyo Nndumi Iruva wafo alelema yaarannya Balaamu, nawe Kaalasha mboo ikava mbora kwafo, kimmba Nndumi Iruva wafo akukunndye. 6Kularuuye ufoo nawo, nta kulakunde iveekya-fo, na kukafika indii.

7Mwedomu we kulansue-fo, mashika mmwanamau, nta Mmisri kulansue-fo, kimmba kweekee muny urukeny lwakwe. 8Vana vawo fika irika lya kararu vasange na vandu va Nndumi Iruva.

Kwiiseny na Utefusu

9Kyeeri kushekupoo indekapana na vakiduva vafo, kwiise nnu na mbony shikasha, 10kwakooya nndu aorya yoorya lya vana vakoo nalaange neefo ulaleny-fo; 11lyo nkwaany nakusangye na mwi ukammooloka naangeny neefo ulaleny, 12Efo ulaleny kukee na ando nndu asomukaa nang'u swany. 13Nkuti mutire ikumbi idu lyeesumya mando si; 14mashika Nndumi Iruva wafo nng'u akai neewe nakukire maakony a vakiduva vafo, nkyo yoo mukai ave ando esha, naambo Nndumi Iruva nalasheelollya kindo kilakwaani, nakure.

Uramba lungyi

15Kwakooya ishinga lyarisha kwa nndumi wakwe lyikakusheya kulalyiviirefo-fo; 16nre nakae neewe kyeny kwafo yoo ashesauwaa yoo yeemeny lyafo kulallemye-fo. 17Kunu Israeli kulakee-fo nka isonga-fo, nta kulakaefo nndu nndumi nkape ndafu-fo. 18Nta findo fyooka uraviny yelo fileendwa kiraso kya kyaasa mmba ya Nndumi Iruva wafo-fo, mashika Nndumi Iruva wafo mmbo asuuye efi fyoose.

19Kulaakuye mwanamau kindo naambo nakuviirye na mbusha-fo, kyikava nfesa, ao shoonga ao ya kindo kingyi kyoose ekyo kivaa yaakuya. 20Lyo muny kushiidimaa imwaakuya nakutae na mbusha ya vayo, na Nndumi Iruva wafo naidimi ikuvikya mbora findony fyafo efo nreminy wafo.

21Elyi kushevikyaa Nndumi Iruva wafo kyaasa, kulare kulakiinutya, mashika Nndumi Iruva wafo mmbo avereye kuiinutye, lyo kwanra kulainutya ni ulyamari kwafo. 22Kyaindi kwanra kulevika kyaasa nkushetiraa ulyamari-fo. 23Tira nnu ekyo kurerye kukyiinutye. Mashika elyi kulevika kyaasa ekyo ni kiraso kwa Nndumi Iruva wafo kwavika elyi kwarera.

24Kweera ireminy lya mwanamau kulyiye-fo ndunda ta nsabibu kuwuure lyo kulakurike-fo.

25Neelyi kukeeyiira efo nreminy ya nndu kutiri muumu weesisa fyaa kulye.

Currently Selected:

NKUMBUYE WA UVAVASO 23: MAS2

Highlight

Compare

Copy