NKUMBUYE WA UVAVASO 20
20
Misa
1Kyeeri kwakupoo yeenda fireny, neewe kwalollya frasi na mitika na vandu veengyi ngota yeni, lola kulavaereye-fo, kimmba elyi Nndumi Iruva, Iruva wafo akee neewe, yeto alekusaamisa akuuta kulya Misri, 2neelyi mwiifo muserikyaa ikapana na vakiduva vany nkohani nasongwe yoo mbee narere na vandu 3nevavia, Yeni Vaisraeli mukeepooka ulaalu ikapana na vakiduva veru, aranyiny, loleny mulaawukwa nta yiiryaa nta irerema kimaruma kyawo-fo, 4mashika ni Nndumi Iruva waany, ariani neeni nandemukapannya na vakiduva vany, naambo namwaauwe. 5Na vashilyi vany varere na vandu, vavavie, A ni vi yeto atannyi mmba shiiya nare nalaiterevya Iruva nayaangeeny? Nawuye na numa naambo nalandefiiya firen, na mmba yakwe iipowa ni nndu ungyi. 6“Ao ni vi atiri nnda wa misabibu are nalalya nndunda ta vayo? Nawuye na kyeny nalandefiiya fireny, na ndunda yeto tilyiwa ni nndu ungyi.” 7Ao ndesa ni vi afinngye nka nalandemwaalyike narefo fira naambo nalandeefiya-fo na nka yeto naipowa ni nndu ungyi? 8Vashilyi varere na vandu vavavese kwakooya kwiiyo nndu atirwa mbweerei na irovyo nriminy, nakuwuiye na kyeny naambo nalasheerese vandu vengyi vave sha we muni. 9Neelyi vashilyi vamaa irera na vandu llyo vavikeny veetetera vaskari.
10Naasa kyeeri kufikaa kufii na muri indekapana nato, onisa unyanga lwa ufoo. 11Na kyeeri vakurouwaa na ufoo neekuruya ngiri ya muri, llyo vandu woose va efo muriny vashekurunndyaa mashora a ushinga. 12Lyo valankunda ufoo, vakasauwa ikapana llyo kuwoyeny muri yeto. 13Na kyeeri Nndumi Iruva wafo ashe uvikaa maakony afo, vyaa wo nndu Nndumi eefo noosu, 14lyo wo vaka na vana nafindo fyeevikya na findo efo muriny koose na masaa engyi, fiipoo five mifungwa ao uraa, nafyo five mfyo shoonga yafo Nndumi Iruva akuniinga. 15Na miri ingyi myoose niindo da kusheitannyaa, yeyo ilakee ya kishomu kya yeva. 16Lyo miri ya vandu yeva Nndumi Iruva wafo akuniinga vave ding'u yafo, kulavefo nta kindo kimwi kikee na muu-fo. 17Mmbo kurumataa Valuti, na Vaamori, na Vakanaani na Vaperizi, Vahifi na Vayebusi indo shaasa Nndumi Iruva wafo alekuvavasya, 18naambo valasheelosha vandu vafo uravi shaasa vakeendya maruva a wongo, nalyo neerenngya Nndumi Iruva weeru.
19Na kyeeri kusheringitya muri kuukape fira ando a mikonu miingyi, lola kulamanye-fo miri na fyaara mashika ndunda ta vayo nteelya, mashika nri nshi nkiduva-fo. 20Lyo miri yeyo ilatiri mbasho yo imanye, kuute-fo firi fyeeringitya muri noovare.
Currently Selected:
NKUMBUYE WA UVAVASO 20: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
