NKUMBUYE WA UVAVASO 18

Waavi lwa Wakohani

1Makuhani, wo Valevi woose, valaniingwa ding'u sha vana va Israeli-fo mmbo vashelyaa firaso efyo fishuutwaa kwa Nndumi Iruva yeto teekorwa na moro, nnyo ding'u yaawo. 2Nta valave na ding'u yuuka kwa a vandu vawo-fo, kimmba Nndumi Iruva mmbwe ding'u yaawo, shaasa alevavia. 3Neelo llo usumanu lwa makohani yuuka kwa valya vakeniinngya firaso, nto ng'umbe na moonri, nawo mmbo vaniinngya makohani urende lwa mbee, moondu avii na maala. 4Fimu fya mbee-kilekwalekwa kya fimu fyafo fyoose na mfinyo wafo, na mafura na mafwaa a mbee a moonri afo, kuutye Nndumi Iruva. 5Mashika Nndumi Iruva wafo mmbo alesauwa Valevi wooka efo vanduny vafo, naambo varunde na irina lya Nndumi Iruva wo na vana vawo llung'anu.

6Na kwakooya llevi asha ooka ando koose kunu Israeli kasha mbee ya Nndumi Iruva, 7narunndye Nndumi Iruva, wafo shaasa vandu vengyi vakeetana yewo vakee Valevi, 8vaniingwa waavi lwawo lwa shoonga nasande na efyo fikumbwaa fya ding'u ya ndeye.

Wiikyimbi lwa Ilatya Ngaa ta Vandu va Masanga

9Elyi kumaa yaanga efo urukeny yelo Nndumi Iruva wafo akuniingaa, lola kulasheetana uravi sha vandu va masanga yoo engyi 10Nta kwany nalalollyo-fo nndu akora mwana na muro ave kiraso kya maruva-fo, ao iwara urengu, ao ilollya fiifo fyeeri fisha na fikasha, ao yaawuya findo, 11nta kulakaefo vandu vasheeraa vengyi, nta vasavi na veelafya, ao mwiitereva varumu. 12Mashika nndu mwiitana efyo mmbo arosya Nndumi Iruva unyafi, na kimaruma kya vayo Nndumi Iruva wafo namuumbute mbee yakwe. 13Kuve nsongovisi kwa Nndumi Iruva, wafo,

Kyaasa kya Iniingwa Nkisuku

14Mashika vandu yewo woose kushevashillyaa va masanga engyi wo mmbo veenndyaa fyeeri neewara urengu, lyo yewe, Nndumi Iruva wafo mmbo akuvavasa kulatani indo.

15Nndumi Iruva, Iruva wafo mmbo ashekuutyaa nkisuku efo vanduny vafo shaasa yeny shikai, neeni mwaaranyinny-te. 16Shaasa llya kuletereva Nndumi Iruva wafo alya Horebu irondeny llya lya vandu, kwaamba, “Shilasheita unyanga lwa Nndumi Iruva wakwa, nta ilollya muro yeu nniini indi-se mashika mmbo shifwaa.” 17Naasa Nndumi Iruva kashivia, “Vandu yeva mbarera kikashafo 18yeny mmbo nshevautyaa nkisuku akuvakye efo vanduny vawo, shivike marero akwa efo kaniny kyakwe namuvye fyoose shaasa nshemmbavasyaa. 19Na yeto araa nalaarannya marero akwa yoo ashererwaa ni nkisuku yeto na irina lyakwa mmbo nshentaiyaa 20Na nkisuku yeto ashereraa marero alakwaani na irina lyakwa kyikava ni kya makusaro akwe muni, ao karera na irina lya maruva engyi, we nkuti nafwe. 21Neewe kwakooya kwaamba efo nriminy, ‘A mmbo lumanyaa inda irero elyo mmbo luunkye kwa Nndumi Iruva?’” 22Kyeeri nkisuku areraa na irina lya Nndumi Iruva nakyo kire kilava indo shaasa aamba, naasa ekyo nkyooka kwa Nndumi Iruva-fo, mmbo arera kya nrwe wakwe muni, neewe kulamweereye-fo kulamwaaranyi-fo.

Currently Selected:

NKUMBUYE WA UVAVASO 18: MAS2

Highlight

Compare

Copy