NKUMBUYE WA UVAVASO 16

Pasaka

(Yuu 12:1-20)

1Kukummbwe mwiiri wa Abibu, kwiinndye Pasaka ya Nndumi Iruva, Iruva wafo mashika ni mwiiri wa Abibu, Nndumi Iruva, Iruva wafo alekuuta kulya Misri kio. 2Enda ando a yaiinndya irina lyakwe, kuute ishonri au ng'umbe ive kiraso kya Pasaka kwa Nndumi Iruva, Iruva wafo. Llyo kushishyaa Nndumi Iruva, wafo Pasaka kuuta efo marondeny afo a ng'umbe na moonri kweende yoo mmba ya Nndumi Iruva. 3Nta kulasheelya ando amwi na mikate itiri n-dooko-fo, ando a mikonu mfungare mmbo kulyaa ando amwi na mikate, ilatiri n-dooko nnyo mikate ya makiva, mashika kuleutwa urukeny lwa Misri uviny-dwa, naambo kukummbwe nkonu kuleuka ukiveny lwa Misri, mikonu myoose ya muu wafo. 4Nta efo mmba kwafo kulakaefo kindo kya ntarang'u-fo, kutani kweera-u mikonu mfungare kupookya elyi kushishaa ngurana ya pasaka nkonu wa mbee nkwaany, kilalale kindo kufike elyi lya ndesi-fo. 5Kulashishye pasaka efo mmba kwafo-fo, 6ni yoo kweni Nndumi Iruva ashekooraa nng'u kushishyen pasaka elyi nkwaany mwi wiishoolokaa sha kyeeri kilya kuleuka Misri. 7Mmbo kusheikaraa na muro kulyiiye yoo Nndumi Iruva ashekooraa, na ngama nlyo kukupoo kuwuye na kyeny kwafo. 8Mmbo kulyaa mikate ilatiri ntarang'o ando a mikonu irindaru. Nkonu wa mfungare llyo muvikaa mwinndye myeele kimaruma kya Nndumi Iruva, nta mularunde ishora-fo.

Nkonu Nniini wa Fimu

(Yuu 34:22; Val 23:15-21)

9Ekyena mifungare mfungare, pookya elyi kwapooka yulula. 10Kuvikye Nndumi Iruva sukukuu ya fimu kwiishuutaa findo fya pya, kiinani na shaasa Nndumi Iruva akuvikye mbora; 11neewe mmbo kufuraa na Nndumi Iruva wafo kwiikee na mwana wafo wa kyuumi na wa kyika, na ishinga na kishinga kyaafo, na Llevi wafo, na muny wafo, na mwana wa ngwera, na nka wa ding'u woose yewo kukee nawo, kufure nawo yoo ando Nndumi Iruva, Iruva wafo ashekooraa kusendyeu irina lyakwe. 12Kukummbwe shaasa kweekee ishinga kulya Misri, naasa kusoreny mavavaso yaa.

Nkonu Nniini wa Matengo

(Val 23:33-43)

13Vika suku kuu ya matangilo ando a mikonu mfungare elyi kwammaa isang'irya fimu fyafo na mfinyo wafo. 14Kufure na suku kuu yafo yewe na mwana wafo wa kyuuni na wa kika na ishinga lyafo na kishinga kyafo na Llevi wafo, na muny wafo na mwana wa ngwera na nka wa ding'u yewo vakee kwafo. 15Mmbo kuvikyaa Nndumi Iruva sukukuu ando a mikonu mfungare yoo ashekooraa llyo Nndumi Iruva wafo ashekuvikyaa mbora findony fyafo fyoose, na mashoreny moose a maako afo, neewe kuwoni ikyesa deny. 16Ando a mwaaka umwi womi woose vasomukye kararu mbee ya Nndumi Iruva wafo, yoo ashemooraa, muvike sukukuu ya mikate ilatiri ntarang'u na sikukuu ya mfungare, na sukukuu ya matangilo nta valashe mbee ya Nndumi Iruva na maako aruu-fo. 17Wo nndu naniinngye shaasa wiidimi lwakwe lufye kiinani na mbora yeyo Nndumi Iruva, Iruva wafo akuniingye.

Uramba lwa Usumanu

18Vika verumbwa myaandu na veesalallya va ngata toose, wo ando Nndumi Iruva wafo ashekuvikaa, wo ufyariny lwa vandu vafo, nawo varumbuye vandu kya usumanu. 19Kulaevete usumanu lwa nndu-fo, nta kulakundye nndu-fo, nta kulawarye kisurukumu, mashika kisurukumu mmbo kisurukumu miso a urango na ireveta usumanu lwa nndu. 20Efyo fikee fya usumanu deny mfyo kushesoraa, naambo kukeeny kyaasha neewona ding'u urukeny yelo Nndumi Iruva wafo akuniingaa.

21Kulavaaye kiri kya mafwanu a Ashera#16:21Ashera: Maruva a kyika. kyeeri kusongosyaa ando erasya Nndumi Iruva wafo-fo, 22nta kulasaleese ngo ya ngata yeyo Nndumi Iruva wafo aisuuye-fo.

Currently Selected:

NKUMBUYE WA UVAVASO 16: MAS2

Highlight

Compare

Copy