2 SAMUELI 22
22
Kyiimbo kya Davidi Kya Itumbe
(Saburi 18:1)
1Davidi eekilollya shaasa Nndumi Iruva alenkira maakony a Sauli na vakiduva vakwe vengyi, llyo aleimmbya Nndumi Iruva kiimbo kya marero yaa:
2Nndumi Iruva mmbwe mbanga yakwa
na turuve yakwa na mwikira wakwa.
Ee-da mwiikira wakwa.
3Iruva ni mbanga yakwa,
shimmbikye nsya mmbwe shinkusirye.
Ngao yakwa na finya ya ukiro lwakwa,
mmbwe kirishony kyakwa
Mwiikira wakwa mmbo kwanshikira efo kinyaleny kyawo
4Mmbo nshevaangaa Nndumi Iruva yeu asumani yiitikiswa.
Llyo nsheawukaa maakony a vakiduva vakwa.
5Mashika finya ta ufu mmbo tileshishingillya
na finya ya uravi ikasheerese
6Fiwoye fya ufu fikashoomwa
Mireiyo ya ufu ikashiringitya
7Efo ngatareny takwa mmbo shilevaanga Nndumi Iruva Yee,
shafuuya Iruva wakwa.
Nawe keeta unyanga lwakwa eke efo mmba yakwe.
Kiiyo kyakwa kikaanga maarwiny akwe.
8Llyo na uruka lulering'ina neererema
neefo iruveeu kukasava-savaa
Na irinyiswa kyeendwa ni unyafi lwakwe.
9Nsu ukooka efo mmbweny yakwe ukarwa na uwe
Muro ukooka kaniny kyakwe ukamamita
Makaa akakangala.
10Mmbo aleoloka ooka iruveeu
kukooloka ireema yoo kwasi ya marende akwe
11Kasaama uwe ya kerubi karumbuka Yee,
kashelollyo yoo uwe ya maaru avakye uraato.
12Kavika ireema lyindingitye lyivake yeema.
Mura ukakusang'irya, nag'u mafishi a nginii-u. y
13Makaa a muro akaatwa
wuuka kulya seny ilya yekee mbee yakwe.
14Nndumi Iruva mmbo aleende iruruma lyuuka iruveeu
Neeto akee uwe ya findo fyoose karera
15Keera mife, kavanyanyata,
keende kimwii, kawombuta.
16Llyo ukalollyo mura wa yeeve
Kirembo kya ulana kikalollyo
Elyi Nndumi Iruva alevakeemya
Na uraato elo luleuka mmbweny yakwe.
17Mmbo aleruma nrumi ooka uwe kashitira
Kashaauwa efo mureny mwiingyi
18Kashaauwa maakony a nkiduva wakwa atiri finya,
Neevo vashisuuye
Mashika mmbo veetiri finya ngota ukiva lwakwa
19Vakashishingillya kyeeri kya ukiva lwakwa
Lyo Nndumi Iruva kava mmbwe kirishyony kyakwa
20Kashaauwa kashivika ando kutiri mwaanya
Kashikira kimmba aleshikunda.
21Nndumi Iruva kashitannya kiinani na usumanu lwakwa
Kashitaa shaasa shiletana mesha.
22Mashika elyi shilesora shia yakwe
Nta nshilelema Iruva wakwa-fo
23Mashika usumanu lwakwe mmbo lwekee mbee yakwa kyeeri kyoose
Nang'u mavavaso akwe nta nshilearafo.
24Neeny shava nsaari kwakwe
Shakwiisa shilasheeva nravi
25Nkyo Nndumi Iruva kashitaa kya usumanu lwakwa,
Kashitaa shaasa shilentannya.
26Yeto mwiikutannya mesha mmbo kuntannyaa mesha.
Kwa yeto nsaari kuveva nsaari.
27Na kwa yeto mwiikwilyisa kuve mweele,
Na kweeto nravi kuve nnyaasi.
28Neewo vafote kuvaauwe
Lyo yewo veekung'anisa kuvanyiise.
29Mashika elyi kukee taa yakwa, woi Nndumi Iruva
Neewe Nndumi Iruva kushimikye shuuke ireeminy.
30Elyi kwasheekya shedima yeenda fireny,
Elyi Iruva asheekya shaidima ikillya isimamba.
31Shia ta Iruva mmbo tikee ta usumanu,
Na kyaasa kyakwe kyikava kya dede We mmbwe ngawo yaawo woose yewo vanrishyaa
32A mmbi yeto akee Iruva, kulore ni Nndumi Iruva muni?
Mmbi yeto akeemmbaanga, kuuta Iruva weeru muni?
33Iruva mmbwe turuve yakwa ya finya.
Neewo vamwiirikye kavateterya shieny yakwe.
34Marende akwa kaallwa sha a sarya,
Kashisaleesa ando kwa uwe.
35Kashilosha shaasa shikabana fireny,
Maako akwa akoommwa ura lwa minya.
36Neewe kwashisimba ngao ya ukiro lwakwa,
Na ufoo lwafo lukashilela.
37Marende akwa kwaaniinga mwaanya
Nta marende akwa nnyalerendeya-fo.
38Mmbo shilerishisa vakiduva vakwa, shavamamita
Neeny nta shilawuye numa llya valekabwa
39Neeny shaveedima shavakaba, valaidimi ikaa-u
Yee, vakawa yoo marendeny akwa.
40Mmbo kuleshivika nkanda nkaari wa fira,
Valya vekeeshivingya kwavavika yoo si yakwa.
41Yee, vakiduva vakwa kwavarishisa mbee yakwa,
Naambo shifune deny yewo vashisuuye.
42Vakavaanga Nndumi Iruva valalollye mwivaauwa,
Vakavaanga Nndumi Iruva lyo nalavairikye.
43Shavavavara sha kiluulyi marendeny
Sha mabwashi efo shia, shavanyanyata.
44“Kwaveshaauwa efo kweewo vekeesalala neeny,
Kwashiringa naambo shishillye masanga.
Na vandu veny vashe vasheshirunndya.
45Vandu veny veekunyiisye,
Elyi valeeta mbony takwa
Nawo vashiinndyaa.
46Veny nawo vafwe mirima,
Wooke turuveny tawo vereremaa.”
47Nndumi Iruva mmbwe muni muu,
Mmbwe mwarafumwa kaveva mbanga yakwa,
Naitikiswa we Iruva akee mbanga ya ukiro lwakwa,
48Yee, Iruva mmbwe asheeka itaiya kiduva,
Neevika vandu yewo si yakwa.
49Kashifumira poo vakiduva vashilollye,
Yee, kashirosa mbee yeewo vakeeshivinngya,
Kwashaauwa na vandu yewo va kinyala
50Naasa Nndumi Iruva mmbo nshekwaanaa masanga alollye,
Neeny mmbo nsheimmbya irina lyafo.
51Keenngye mangyi ukiro uniini, Kalyillya nsauwe wakwe
Mmbwe Davidi na ufyari lwakwe fika llung'anu.
Currently Selected:
2 SAMUELI 22: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
