2 VAKORINTO 8
8
Vakristo vatire maako iniingya findo fyawo
1Na lyingyi vanavama, mmbo lukunndye imuvia kya simbo ya Iruva ilya siri ta Makedonia tilesimbwa. 2Kyeeri vekee fyeesony fya ngatara shiingyi, wiingyi lwa ifura lyawo sanda na itura lyawo mmbo filevaengerya usimba lwa ikunda yeekya vengyi. 3Mashika nkeevakureekya sheelyi, kimaruma kya wiidimi lwawo na mmwasi ya wiidimi lwawo, shaasa valekunda wo veni efo nriminy, mmbo valleuta findo fyawo. 4Vakalutereva nnu sanda na ilwiikima kyeendo ni simbo yei, na ilungwaa elyi lyetarama veele. 5Nawo mmbo valetana indo nshi shaasa lwevikye nsia-da-fo, kyaindi mmbo valekurambikya mbele wo veni kwa Nndumi, na kweru-da, na ikunda lya Iruva. 6Kutani lwavavasya Tito neenutye simbo yei kwany shaasa we muni empooka itana. 7Kyaindi shaasa mutiri simbo shiingyi, kikusirywa, mirerye, urango, usasari, ukundi lwany kweru yese, ni nyendo indo, neeni woniseny wiingyi lwa isarya elyo-da. 8Nsharera indo naambo shimwiitikye-fo, kyaindi kyeendwa ni ikuuta nnu lya vandu vengyi sheese umamiri lwa ikunda lyany. 9Mashika mwammanya simbo ya Nndumi weeru Yesu Kristo, shaasa aleva nkiva kimaruma kyany, lla elyi we ekee isimba, naambo yeni mwaluwa masimba kyiimuukye efo ukiveny lwakwe. 10Kimaruma kya efo ra shuute ikusaro lyakwa, mashika kindo ekyi nikisha kwany yeni musongoye, ni mwaaka wammira, kya ikunda neetana-da. 11Lyo ulaalu inutyeny itana, naambo shaasa muleirikya itana, ulaalu mwinutye kiinani na filya mutiri. 12Mashika nrima wiilangye, nndu mmbo ashiirikyoo kiinani na filya nndu atiri, nshi kya filya nalatiri-fo. 13Nshi shikeyaamba indo naambo vengyi vasenyo neeni murovyo-fo; 14nnaambo mbony teende nisha, kyeeri ekyi kya ulaalu vengyi vaoni mbusha kya usimba lwany, na usimba lwany, na usimba lwawo lumweekye yeni elyi musheanguyoo, naambo findo fiinani indo. 15Shaasa kyikee kyireiye, “Yeto alesanyirya fiingyi, nnyaleilanya-fo nta yeto alesanyirya fyaangu nnyaleanguywa-fo.”
16Lyo Iruva narumishwa yeto avika usasari yelo weni nriminy wa Tito kimaruma kyany. 17Mashika dede lyo mmbo alewarya wiikimbi elo, eshengera ikaa na nrima, kakupoo nashe kwany akunda we muni. 18Ando amwi nawe lukaruma mwanama yeto nnduma wakwe wa Nrumi ya Nsia mmbo ukwaani siriny toose. 19Nta nshi indo-da-fo, lyo mmbo alesauwa ni siri naambo neende ando amwi neese eerye simbo yei lukeeirundya, naambo nrima weru umanyike, na Nndumi nauteu ing'aniswa. 20Lukakuvika mbai kimaruma kya mbony yei kulave nndu alukapa mong'wa kimaruma kya simbo yei lukeeirunndya. 21Kyeeri lukekusara mesha, nshi mbee ya Nndumi-da-fo, na mbee ya vandu-da. 22Neese ando amwi nawo mmbo luleruma mwanamaye weeru yeto lulellolya keengyi sheelyi atiri nrima, naako ni ulaalu mmbo atiri nrima kimaruma kya elyi amuvikkye nsia yeni. 23Naasany kwakooya nndu akunda imanya mbony ta Tito, we ni mweeki wakwa, na mwifurukana ando amwi neeny kimaruma kyany, na nndu kakunda imanya mbony ta vanavamaye veru, wo ni varumi va siri, na va itumbe lya Kristo. 24Naasa oreny siri toose dede ya ikunda lyany, na kya irumisha lyeru kimaruma kyany.
Currently Selected:
2 VAKORINTO 8: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
