1 VATESALONIKE 1
1
1Ni yese, Paulo, Silvanu na Timoteo lwareiya kwa siri ya Vatesalonike ikee siri ya Iruva Nde na Nndumi Yesu Kristo. Isarya na urilalyi fikae neeni.
Kikusiryo na muu wa Vatesalonike
2Mmbo lukeana Iruva kyeeri kyoose kimaruma kyany yeni moose, lwimukumbwaa efo fiterewony fyeru. 3Nta llurekywaa ishora lyany iirikyo na ngatara yaany imusheye kimaruma kya ikunda-fo, ando amwi na usisiryo lwany luriani na ivika nsia efo kwa Nndumi weeru Yesu Kristo, na mbee ya Iruva Nde weeru. 4Mashika-le vanavama mukunndyo ni Iruva, lwiishi sheelyi mmbo mukee vasauwe. 5Mashika nrumi yeeru ya nsia nnyilemusheya ikee marero a ruu-fo, mmbo ilesha iitiri finya ya Mumuyo Mweele na ukaariso luvangyi, shaasa mulevelollya mikaaye yeeru efo kwany. 6Neeni mmbo mulelusora yese na Nndumi, llya mulewarya irero mwikee ngatareny shiroo, lyo Mumuyo Mweele kamulyimya ifura. 7Kutani mwava kyaaso kyisha kwa valya vairikye va kulya Makedonia na Akaya.
8Mashika irero lya Iruva mmbo lyilerumwa lyuuka kwany, na nshi lyilefika Makedonia na Akaya-fo, ni wo ando kyikusiryo kyany kwa Iruva kilefika, nta yese llutiri-u kya mmwasi kyeyaamba-fo. 9Ni elyi wo veni vakeevambisa mbony teru, shaasa lulesha kwany, na shaasa mulera maruva a wongo mukalatya Iruva, naambo murunndye Iruva yeu muni muu akee wa dede; 10muvevereya Mwana wakwe nooke iruveeu, mmbwe yeto alennduta kooka kwa vafu, we Yesu, yeto ashelukiraa unyafi yelo lusheshaa.
Currently Selected:
1 VATESALONIKE 1: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
