1 MBONY TA FYEERI 9

Vandu Vevuya Vooka Ushingeny

1Vandu woose va Israeli vakaekyenwa mmba kwi mmba na kundo vaparikye nafo, mbony yeto mmbo tikee shireiye yefo Kyitabuny kya vamangyi va Israeli. Vandu va Yuda, vakakamarwa mifungwa fika Babilony, kimaruma kya marekwa awo. 2Na vandu va mbee yewo vekaa ushilyiny lwawo, kunu miriny yaawo vekee Israeli, vakohani, Valevi, na Vantini.

“Vandu vekaa Yerusalemu numa ya usamiro.”

3Na yefo Yerusalemu vandu vekaa-fo maata vekee vana va Yuda, vana va Benyaminy, vana va Efraimu na Manase. 4Utai mwana wa Amihudi, mwana wa Omri, mwana wa Imli, mwana wa Bani, mwana wa Peresi mwana wa Yuda. 5Na wa Vashiloni; asaya, mwana wa mmbe wa vana vakwe 6Na wa vana va Sera, Yeuli, vana va maye, vandu mayana arindaru na makumi kyeenda, 7na va vana va Benyaminy, Salu, mwana wa Meshulamu, mwana wa Hodafia, mwana wa Hesenua; 8Ibneya mwana wa Yehoram, Elah mwana wa Usi, mwana wa Mikri, Meshulamu mwana wa Shafatia, mwana wa Reueli, mwana wa Ibniya. 9Na vana va maye, ndesa vakwaani, vandu mayana kyeenda na makumi araanu na varindaru. Vandu yewo woose mmbo vekee vasongoru va mmba ta vande vawo, ndesa vawonikye mmbeny tawo.

Mmba ta kikohani

10Yefo kwa vakohani; Yedaya, Yehoyaribu, Yakini, 11Asaria, mwana wa Hilkia, mwana wa Meshulamu, mwana wa Sadoki, mwana wa Meyaroti, mwana wa Ahitubu, nsongoru wa mmba ya Iruva. 12Adaya mwana wa Yerohamu, mwana wa Pashuri, mwana wa Malkiya, na Maasai mwana wa Adieli, mwana wa Yasera, mwana wa Meshulamu, mwana wa Meshilemiti, mwana wa Imeri; 13Vasongoru va ngyufyari ta vande vawo, amwi na vana vamaye vawo, vandu kyiku kyimwi mayana mfungare na makumi arindaru vandu vatiri wiidimi uniini lwa irunda mashora yefo mmba ya Iruva.

Mmba ta Valevi

14Yefo kwa Valevi; Shemaya, mwana wa Hashubu, mwana wa Asrikamu, mwana wa Hashabia, wa vana va Merari; 15Bakibakari; Hereshi; Kalati, Matania, mwana wa Mika mwana wa Sikri, mwana wa Asafu, 16Obadia mwana wa Shemaya, mwana wa Kalali, mwana wa Yudutuni; na Berakia, mwana wa Asa, mwana wa Elkana, valya vekaa fimiriny fya Vanetofati.

Varingi va Mmba ya Mwiindye

17Na valya veeringa ngiri Shalumu, Akubu, Talmoni, Ahimani, na vana va maye vawo; na Shalumu mmbwe ekee nsongoru waawo. 18Yeva mmbo vekee varingi alya mwaangon wa mangyi taari ya ngama. Yewo mmbo vekee varingyi va vana va Valevi.

19Shalumu we mwana wa Kore, mwana wa Ebiasafu, mwana wa Kore, amwi na vana va maye va ufyari lwa ndeye, Vakora mmbo vasalallya mashora yoo a uringi lwa ngiri ya Nndumi Iruva yoo mwaangony. 20Nawe Finehasi, mwana wa Eliasari, mmbo ekee nsongoru waawo elyo mbee, nawe Nndumi kammbikya ngarami. 21Sakaria mwana wa Meshelamia, mmbwe ekee mwiiringa alya mwaangon wa yaanga ikwaanuny lya ikwaanannya. 22Yeva woose vesauwa kya mashora yoo aliwarya vandu alya mwaangon vekee vandu mayana avii na ikumi na vavii. Nawo mmbo veekyenwa kweelatya ngyufyari tawo kundo vaparikye, Davidi na Samweli mwiisalallya mbony yeyo vakavarambikya mashora yoo. 23Naasa vandu yeva amwi na vana vawo mmbo vekee veeringa yoo mwaangon we yaanga ngiriny ya mmba ya Nndumi Iruva kwi makamba. 24Varingyi yewo mmbo vekee taari shoose yiinya, taari ya ngama, taari ya nkwaany, taari ya ndoo, na taari ya sinde. 25Na vana va maye vawo va yefo miriny yaawo, vakavikywa uramba lwa ikwaanannya wo nkonu wa mfungare, kwi makamba naambo vakooye yaakana amwi. 26Mashika varingyi yewo vaana, ni Valevi na vasongoru va mashora yoo esalallya fimmba na masaa moose ekee yefo mmba ya Iruva. 27Nawo vakalala iringitya mmba ya Iruva, mashika mmbo vekee vaniinge mashora yoo a uringyi, amwi na mashora a irrwa mwaango nniini ngama wo nkonu.

Valevi Vengyi

28Na vengyi nnang'ani yaawo vakaniingwa mashora a isalallya fiyya fya nnduma, ifyeekyena fishiipowaa na iviirwa. 29Na vengyi maata vakarammbikywa mashora a ilola fiyya fya yefo kyeny, na fyoose fya mashora yoo meele, fikee ni nswa mmamiri, na mfinyu, na mafura, ubani na mafura a fwaama. 30Na vana va makohani maata vakadeesya nsasando wa mafura afwaama.

31Nawe Matitia umwi wa Valevi, mwana mmbe wa Shalumu, Nkora mmbwe erammbikywa findo fyoose fikee fikaare. 32Na vengyi nnang'ani ya vana va Vakohati, vakawa vesalallya mikate ilya ya nndumwa mweele wa nkonu wa Nndumi. 33Na lyingyi yeva mmbo vekee veembi, vasongoru yefo ngyufyari ta vande vawo Valevi, vakawa veesinda yefo mmba kio na nsanyiny kulaifo irunda ishora lyingyi. 34Yeva vekee vasongoru va mmba ta vande vawo kwa Valevi, nnang'ani ya ngyeeri tawo toose, na kundo vekaa ni kulya Yerusalemu.

Vakuuku na Ngyeeri ya Mangyi Sauli

(1 Fye 8:29-38)

35Naasa kulya Kibea ni ndeye wa Kibea nawe evangwaa Yeieli, na nka wakwe evaangwa Maaka; 36Mwana wakwe mmbe, ni Abdon, na Suri, na Kishi, Baali, Meri, Nadabu, 37Kedori, Ahio, Sekaria, Mikloti. 38Mikloti kaira Shemea. Yewo nawo mmbo vekaa na vana va maye vawo kulya Yerusalemu; veefitani nawo.

39Nawe Neri kaira Kishi. Kishi kaira Sauli. Sauli kaira Yonatani, Malkishua, Abinadabu na Eshibaali. 40Mwana wa Yonatani ekee Meribaali, na Meribaali kaira Mika, 41Na vana va Mika ni; Pitoni, na Meleki, na Tarea. 42Ahasi kaira Yara; na Yara kaira Alemeti, Asmaweti, Simri. Simri kaira Mosa. 43Mosa kaira Binea. Binea mwana wakwe kavangwa Refaya, na mwana wa Refaya ni Eleasa, mwana wa Eleasa ni Aseli; 44Aseli etiri vana varindaru, na marina awo ni Asrikamu, Bokeru, Ishmaeli, Shearia, Obadia na Hanani. Yeva woose mmbo vekee vana va Aseli.

Currently Selected:

1 MBONY TA FYEERI 9: MAS2

Highlight

Copy

Compare